Jẹnẹsis 45:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ We jẹn oma ro ovwa-an, eyẹ we jẹn ivun rẹ oma rẹ ovwan miovwo ovwa-an, fikiridie wa shẹ vwẹ rhe obonẹ, kidie Ọghẹnẹ ji vwe ka obaro re vwo sivwi arhọ.

Jẹnẹsis 45:5 ပူးပေါင်းရင်းမြစ်များ

Jẹnẹsis 50:20

Vwọ kẹ ovwan, umwemwu we ru kpahe ovwẹ, ẹkẹvuọvo Ọghẹnẹ da rhẹriẹ umwemwu na vwọ erhuvwu kẹ vwẹ, o ruro rhe rere ihwo buebu vwọ rhọ, kirobo rọ epha nonẹ na.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

Iyẹnrẹ Esiri ri Luk 23:34

Jesu da ta, Ọsẹ, vwo ghovwo ayen; kidie ayen riẹn obo rẹ ayen ruẹ-ẹ. Ayen da vwẹ ewun rọye vwo duvwu itẹ.

Jẹnẹsis 47:25

Ayen da ta, Wo Sivwi avwanre nure, gbe je o je ọrovwovwe, avwanre ke dia eviẹn ri Fero.

2 Kọrẹnt 2:11

re Idẹbono vwo jẹ asan ẹmrẹ da chọrọ obọ phihọ avwanre oma; kidie avwanre rha hẹ ogbori rẹ ọphiẹvwẹ rọye-e.

2 Kọrẹnt 2:7

Vwẹ ọtiọye na ovwan ki vwo ghovwo re bro uche, eyẹ ọ rha dia ọtiọye-e uvweri rọ rho vrẹ oma vwo je hwe.

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

2 Samuẹl 12:12

Kidie wọ bẹbẹ ruo; ẹkẹvuọvo mi ru ọnana vwẹ obaro rẹ Izrẹl ejobi, vwẹ uvo gbagba.

1 Samuẹl 1:19

Ayen vrẹnri vwẹ irhiọke ayen da ra ga Ọrovwohwo; ayen de rhivwi kpo uwevwi rayen vwi Ramah. Elkanah vẹ aye rọye da mroma, Ọrovwohwo da karophihọ;

Filimọn 1:15

Ọkeọvo yi fiki rẹ ọtiọnana ọ vwọ djẹ nẹ uwe obọ rhawẹrhẹye, rere ọke ro de rhivwi rhe ọ vwọ sa dia owẹ bẹdẹ,

Jẹnẹsis 37:28

Usun rẹ ihwo ri Midian ke wan vrẹn, ayen de si Josẹf nẹ ọgọdọ na rhe, ayen da she kẹ Ishmael ovwavwọn ri shẹkẹl rẹ idọnọ uje, ayen da reyọ kpo Ijipt.

Jẹnẹsis 50:19

Ẹkẹvuọvo Josẹf da ta kẹ ayen, Wa djẹ oshọ-ọ fikiridie kẹ ẹdia rẹ Ọghẹnẹ mi epha?

Jẹnẹsis 50:21

Ọtiọye na wa dje oshọ-ọ, Me je ghere ovwan vẹ emọ re ovwan. Kẹnẹ o phi udu phihọ ayen awọ o de bru ayen uche.

Ẹsta 4:14

Kidie wo de fotovwi vwẹ ọke ọtiọnana, ọfuvwegbe vẹ esivwo cha wan asan ọfa bru ihwo ri Ju rhe-e, ẹkẹvuọvo te owẹ te uwevwi rẹ ọsẹ wẹn cha ghwọrọ. Kono riẹnre nẹ wọ je rhe uvie na vwẹ utiẹ ọke ọtiọnana?