Jẹnẹsis 42:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Jẹnẹsis 42:6 ပူးပေါင်းရင်းမြစ်များ

Jẹnẹsis 18:2

Ọ vwọ kparo ni, nighe eshare erha mudia vwẹ obaro rọye. Ọke rọ vwọ mrẹ ayen, ọ da djẹ nẹ anurhoro rẹ utughẹ na ra vwa ayen, o de diguẹ kẹ ayen,

Jẹnẹsis 19:1

Emakashe ivẹ na de rhi te Sodọm vwẹ ovwọnvwọn, yi Lọt tidia ughere ri Sodọm, Ri Lọt vwọ mrẹ ayen, o de vrẹn ra vwa ayen, o de diguẹ bọvwọ opharo rhu otọ,

Jẹnẹsis 33:3

Okpuyovwi rọye da ka obaro kẹ ayen, o de diguẹ vwẹ uyovwi te otọ asieghwrẹ, bẹsiẹ o rhi vwo te asan rẹ oniọvo rọye epha.

Jẹnẹsis 41:43

ọ da vwẹ idjighere rọye rivẹ kẹ nẹ ọgua, ayen de ghwoghwo nẹ, We shiguẹ. Enẹ a vwi Josẹf mu vwẹ enu rẹ Ijipt.

Jẹnẹsis 41:54

ikpe ighwrẹ rẹ owẹvwe na ra rhẹrẹ cha, kirobo ri Josẹf tare. Owẹvwe de rhi fi vwẹ irere efa, ẹkẹvuọvo emuọre da rhe vọn otọ rẹ Ijipt.

Jẹnẹsis 41:57

Ọrọmarho, ihwo rẹ akpọ na ejobi de kpo Ijipt bru Josẹf ra dẹ ọka, kidie owẹvwe na pha gangan vwẹ akpọ na ejobi.

Jẹnẹsis 44:14

Ọke ri Juda vẹ emesẹ rọye rhi vwo te uwevwi ri Josẹf, yọ je Etiyin; ayen de diguẹ te otọ kẹ.

Jẹnẹsis 45:26

Ayen da vuẹ, ni Josẹf je akpọ, kọye osun vwẹ otọ rẹ Ijipt. Oma de ro, kidie o se ayen gbuyota-a.

Jẹnẹsis 45:8

Ọtiọye na ọ gbe dianẹ ovwan ri ji vwe rhe obonẹ-ẹ, ẹkẹvuọvo Ọghẹnẹ; ọ da vwẹ ovwẹ ru ọsẹ ki Fero, kugbe olori rẹ uwevwi rọye ejobi vẹ osun rẹ otọ rẹ Ijipt ejobi.

Jẹnẹsis 48:12

Etiyin Josẹf de mu ayen nẹ igbo rọye, o de diguẹ bọvwọ opharo rhu otọ.

Isẹ 11:26

Ohwo rọ kẹkẹn obọ rẹ ọka ke duvwu iyori kẹ ẹkẹvuọvo ebruba kẹ uyovwi rẹ ohwo rọ shẹ rẹ.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Iruo rẹ Iyinkọn na 7:10

O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

1 Samuẹl 20:41

Rẹ ọmọ na ghwa vwọ yanran nu, Devid de vrẹn nẹ akakọ rẹ ekru rẹ ibieragha na rhe, ọ da bẹrẹ okpevun rhuotọ, o de gbe uyovwi kpotọ asiarha, ayen ohwohwo da fiọnfiọn ohwo unu, ayen da viẹ kẹ ohwohwo bẹsiẹ rẹ ẹro vwọ hiẹ Devid,