Jẹnẹsis 41:56 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁶ Ọke rẹ owẹvwe na rhi vwo fi ruo otọ na ejobi re, Josẹf de rhie evun rọye ejobi phihọ, ọ da shẹ emu kẹ ihwo rẹ Ijipt, fikiridie owẹvwe na ganre vwẹ otọ rẹ Ijipt na gangan.

Jẹnẹsis 41:56 ပူးပေါင်းရင်းမြစ်များ

Jẹnẹsis 12:10

Vwẹ ọke nana owẹvwe de rhi fi vwẹ otọ na. Etiyin Ebram de kpo Ijipt ra dia fikiridie owẹvwe na firi gangan vwẹ otọ na.

Jẹnẹsis 41:30

ẹkẹvuọvo ororo na de notọ nu ikpe ighwrẹ rẹ owẹvwe kọ cha rhe, okuvwe na ejobi ke cha chọẹro vwẹ otọ rẹ Ijipt na, owẹvwe na fi gangan vwẹ otọ na,

Jẹnẹsis 41:35

Ja ghwẹ emu nana re toro cha na ejobi koko vwẹ ọgangan ri Fero, vwẹ orere ọvuọvo, rere a sẹro rayen.

Jẹnẹsis 41:55

Ọke rẹ emuọre rẹ otọ rẹ Ijipt ejobi vwo re nu, ihwo na ejobi ki brenu rẹ emu hwe Fero, Fero da ta kẹ ihwo rẹ Ijipt, We bru Josẹf ra; obo rọ ta kẹ ovwan, we ru.

Jẹnẹsis 41:57

Ọrọmarho, ihwo rẹ akpọ na ejobi de kpo Ijipt bru Josẹf ra dẹ ọka, kidie owẹvwe na pha gangan vwẹ akpọ na ejobi.

Jẹnẹsis 42:6

Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Jẹnẹsis 43:1

Vwẹ ọke nana owẹvwe na rhi fi gangan vwẹ otọ na re.

Aizaya 23:17

Vwẹ oba rẹ ikpe ujorha gbẹ ihwe na, Ọrovwohwo ko che bru Taya rhe ko rhivwi kpo ẹdia rẹ uku rọye, kọ vẹ iviẹ rẹ akpọ na ejobi che gbe igberadja kugbe.

Zekaraya 5:3

Etiyin ọ da ta kẹ vwẹ, Ọnana ekan ro mu nene otọ na ejobi rhe; kidie kohwo kohwo ro cho uji ke etinẹ, yanran ke sio nẹ otu kerẹ obo rọ epha, kohwo kohwo ro ji duvwu iyori re efian ke ji sio nẹ otu kirobo rọ epha.

Iyẹnrẹ Esiri ri Luk 21:35

Kidie ọ cha rhe enu rẹ ihwo re dia otọ rẹ akpọ na ejobi.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,