Jẹnẹsis 41:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Evwerhẹ na rẹ ọhwọhwọ ivẹ na dje phia nẹ Ọghẹnẹ bru ẹdẹ na nure, Ọghẹnẹ kọ cha vwọ phia nanana.

Jẹnẹsis 41:32 ပူးပေါင်းရင်းမြစ်များ

Jẹnẹsis 37:7

nighe, avwanre ke gba eka vwe obo udju, e vwo ni, erhagha rẹ ọka mẹ de vrẹn mudia goro, nighere erhagha rẹ ovwan na de rhi bi riariẹ ọ mẹ na, i de gbe uyovwi kpotọ kẹ erhagha mẹ na.

Jẹnẹsis 37:9

Ọ da rhoma vwerhe evwerhẹ ọfa, ọ da je ta kẹ imoni rọye, ọ da ta, Nighere, Me rha vwerhe evwerhẹ ọfa re, mi vwo ni, ọnre, emeranvwe, kugbe isio uhwọvo da vwẹ uyovwi te otọ kẹ vwẹ.

Jẹnẹsis 41:25

Etiyin Josẹf da ta ki Fero, Evwerhẹ ri Fero na ọvuọvo; Ọghẹnẹ vwọ phia ki Fero obo ro che ru.

Jẹnẹsis 41:28

Ọ pha kirobo re Me ta ki Fero na, Ọghẹnẹ rhe vwọ phia ki Fero obo ro che ru.

Jẹnẹsis 41:31

ororo na a gbe karophihọ-ọ fiki re owẹvwe ọgangan ro che nene na, kidie ọ cha gan gangan.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Daniẹl 2:45

kirobo wọ mrẹre nẹ e bru oragha ọvo nẹ ugbenu ọvo rhe jo dia obọ rẹ ohwo rẹ akpọ ruro-o, ọ da guọghọ utehru na ibribro, ẹrovwo, ọphiẹn, idọnọ ofuanfon vẹ oro na. Ọghẹnẹ rọ rhọro vwẹ obo re cha phia vwẹ obaro nẹ ovie nure. Evwerhẹ na muẹro, otọ rọye efan ji muẹro.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Iyẹnrẹ Esiri ri Mak 10:40

ẹkẹvuọvo re vwo tidia obọrhe mẹ eyẹ obọhwẹre mẹ ọ dia omẹvwẹ rẹ vwọ kẹ-ẹ; ẹkẹvuọvo ọ rẹ otu ra rhuẹrẹ phihọ otọ kẹ.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

2 Kọrẹnt 13:1

Ọnana obọ rerha ri mi vwo bru ovwan cha na. Tavwe rẹ urhi ki mu ohwo a me mrẹ iseri ivẹ eyẹ erha ri se muo.

Ẹvwọphia 9:15

A da ghene rhan emakashe ẹne na, ra gbare hẹrhẹ ọke nana rhabae na, ẹdẹ na, emeranvwe na, kugbe ukpe na, no hwe akarha rẹ ihwo rẹ akpọ.