Jẹnẹsis 41:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Etiyin Josẹf da ta ki Fero, Evwerhẹ ri Fero na ọvuọvo; Ọghẹnẹ vwọ phia ki Fero obo ro che ru.

Jẹnẹsis 41:25 ပူးပေါင်းရင်းမြစ်များ

Daniẹl 2:45

kirobo wọ mrẹre nẹ e bru oragha ọvo nẹ ugbenu ọvo rhe jo dia obọ rẹ ohwo rẹ akpọ ruro-o, ọ da guọghọ utehru na ibribro, ẹrovwo, ọphiẹn, idọnọ ofuanfon vẹ oro na. Ọghẹnẹ rọ rhọro vwẹ obo re cha phia vwẹ obaro nẹ ovie nure. Evwerhẹ na muẹro, otọ rọye efan ji muẹro.

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Iyẹnrẹ Esiri ri Mak 13:23

Ẹkẹvuọvo ovwan kẹnoma; nighe Me ta imu na ejobi kẹ ovwan nure.

Matiu 24:40

Ọke yena eshare ivẹ che ru iruo vwẹ evun rẹ udju, a me reyọ ọvo e mi gbobọnyẹ ọvo.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Aizaya 43:9

Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

Une rẹ Ejiro 98:2

Ọrovwohwo nẹrhẹ a riẹn obọẹkparọ rọye nure, ọ vwẹ orhiẹbro rọye phia vwẹ obaro rẹ ẹgborho na.

Joshua 11:6

Ọrovwohwo da ta kẹ Joshua nẹ, Wọ djẹ oshọ rẹ aye-en, kidie odẹ rọ cha na vwẹ utiẹ ọkẹ ọtiọnana mi che phi ayen ejobi kua kẹ Izrẹl; ku we churu iyesi rayen kugbe wa me torhẹ idjighere rayen.

Jẹnẹsis 41:16

Josẹf da kpahe ki Fero, Ọ evun mẹẹ, Ọghẹnẹ re sa fan otọ rọ gbare ki Fero.

Ẹyano 9:14

Kidie vwẹ ọke nana me cha vwẹ ọtiekọ mẹ ejobi teyọ udu wẹn, te idibo wẹn, vẹ ihwo wẹn, rere wọ vwọ riẹn nẹ ohwo ọvuọvo rọ họhọ ovwẹ vwẹ otọ rẹ akpọ na herọ-ọ.

Jẹnẹsis 41:26

Irhuẹn ighwrẹ ri yoyovwi na eye ikpe ighwrẹ, eduru rẹ eka ighwrẹ ri yoyovwi na eye jẹ ikpe ighwrẹ; evwerhẹ na ọvuọvo

Jẹnẹsis 41:28

Ọ pha kirobo re Me ta ki Fero na, Ọghẹnẹ rhe vwọ phia ki Fero obo ro che ru.

Jẹnẹsis 41:32

Evwerhẹ na rẹ ọhwọhwọ ivẹ na dje phia nẹ Ọghẹnẹ bru ẹdẹ na nure, Ọghẹnẹ kọ cha vwọ phia nanana.

Jẹnẹsis 40:8

Ayen da ta kẹ, Avwanre vwerhẹ evwerhẹ, a rha mrẹ ohwo rọ faotọ rọye kẹ avwanre-e. Josẹf da ta kẹ ayen; Ọ dia Ọghẹnẹ re faotọ rẹ evwerhẹ? Gba ta kẹ vwẹ, Me rẹ wẹ.