Jẹnẹsis 40:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ri Josẹf vwo bru ayen rhe irhiọke re mrẹ ayen, ayen de muomahọ.

Jẹnẹsis 40:6 ပူးပေါင်းရင်းမြစ်များ

Jẹnẹsis 40:5

Ason ọvo ayen ivẹ na da vwerhẹ evwerhẹ–omuidi na kugbe okakemu na rẹ ovie rẹ Ijipt re mu phihọ uwodi na, dohwo devwerhẹ rọye, dohwo dotọ rọye.

Jẹnẹsis 40:7

Ọ da nọ inotu ri Fero na re mu phihọ uwodi vwẹ uwevwi rẹ onini rọye na, Die nẹrhẹ ovwan muomahọ nonẹ?

Jẹnẹsis 40:8

Ayen da ta kẹ, Avwanre vwerhẹ evwerhẹ, a rha mrẹ ohwo rọ faotọ rọye kẹ avwanre-e. Josẹf da ta kẹ ayen; Ọ dia Ọghẹnẹ re faotọ rẹ evwerhẹ? Gba ta kẹ vwẹ, Me rẹ wẹ.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.