Jẹnẹsis 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ken da ta kẹ Ebẹl rẹ oniọvo rọye nẹ, Gbe jẹ avwanre kpo obo aghwa. Rẹ ayen vwọ obo aghwa re, Ken da vwọ so oniọvo rọye Ebẹl o de hwe ghwu.

Jẹnẹsis 4:8 ပူးပေါင်းရင်းမြစ်များ

Jẹnẹsis 4:25

Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri.

2 Samuẹl 14:6

Ọmọtẹ wẹn vwo emọ ivẹ, ayen vwọ họnra vwẹ aghwa, a rha mrẹ ohwo ro vwrẹ aye-en, ọvo de hwe ọrivẹ,

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Ikun rẹ Ivie 21:4

Ọke ri Jehọram rhi vwo tidia ekete rẹ uvie rẹ ọsẹ rọye nure rẹ owọ rọye vwo muotọ nu, ọ da vwẹ oda nyavwe iniọvo rọye na hwe, ji kugbe ẹvo vwẹ isun rẹ Izrẹl.

Nehemaya 6:2

kẹ etiyin Sanballat vi Gẹshẹm da vuẹ rhe vwe, tanẹ, Yanrhe re avwanre vwọma vwẹ ọke ọvo vwẹ uphephẹ rẹ Ono Ẹkẹvuọvo iroro umwemwu ayen jẹ kpahe ovwẹ.

ỌBE RẸ JOB 11:15

Uyota ku wọ cha kpare opharo wẹn kpenu sasasa, ku wọ dia ofuvwegbe, wọ gbe djẹ oshọ-ọ.

Une rẹ Ejiro 139:19

E mane ku wo hwe ohwo umwemwu vwenẹ, E Ọghẹnẹ, rẹ ihwo rẹ ọbara de bi nu vwe oma,

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Maika 7:6

Kidie ọmọshare na ni ọsẹ rọye saka, ọmọtẹ na ghwe mukpahe oni rọye, aye-orọvwe mukpahe oniorọvwe rọye; uwevwi rẹ obọ rẹ ohwo ọye ọvweghre epha.

Ukeri 35:20

Ọ da dianẹ eghrẹ o vwo duvwo hwe, eyẹ ọ họrhọ ruọ, ro de fiọnko hẹrhẹ, ro de hwe ghwu,

Matiu 23:35

Rere osa rẹ evwata rẹ ovwan hweri vwẹ akpọ na vwọ dia uyovwi rẹ ovwan, nẹ ọbara rẹ Ebẹl rẹ ọvwata, re te ọbara ri Zakaraya rẹ ọmọ ri Barakaya rẹ ovwan hweri vwẹ enu rẹ agbada.

Iyẹnrẹ Esiri ri Luk 11:51

nẹ ọbara rẹ Ebẹl re te ọbara ri Zakaraya, ro ghwuru vwẹ uvwre rẹ agbada vẹ ẹshẹ. Uyota me ta kẹ wẹ, ka nọ ekpẹn rọye vwẹ obọ rẹ uvwiẹ nana.

Iyẹnrẹ Esiri ri Luk 22:48

Ẹkẹvuọvo Jesu da ta kẹ, Judas, wọ vwẹ unu ẹ fiọnfiọn shẹ Ọmọ rẹ ohwo?

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Ọbe ri Jud 1:11

Ekan kẹ ayen! Kidie idjerhe ri Ken ayen nene na, ubiupho rẹ erere re nẹrhẹ ayen nene oruchọ ri Bẹlam, ọ da nẹrhẹ ayen ghwu phihọ omẹriọ ri Kora.