Jẹnẹsis 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ebẹl da je vwẹ izobo rẹ upene rẹ uchuru rọye rọ pha sọkọ sọkọ vwo rhe Ọrovwohwo. Ọrovwohwo de mu ọghọ kẹ izobo rẹ Ebẹl,

Jẹnẹsis 4:4 ပူးပေါင်းရင်းမြစ်များ

Jẹnẹsis 15:17

Ọke rẹ ọnre vwo she nu rẹ ebri vwo mu re, nighe, ubrochẹ vẹ erhanre ro bru ivwirhi vẹ ukpe rọ la da va nẹ uvwre rẹ ibro rẹ eranvwe na rhe.

Jẹnẹsis 4:3

Rẹ ọke rhi vwo tere Ken da reyọ izobo rẹ emamọ rẹ otọ na vwo rhe Ọrovwohwo.

1 Ivie 18:24

wo se odẹ rẹ ẹdjọ wẹn rere mi se odẹ Ọrovwohwo. Ọghẹnẹ rọ vwẹ erhanre mie kọye hẹ ọfuanfon. Ihwo na ejobi da kpahe Wọ riẹnre ta.

1 Ivie 18:38

Etiyin erhanre rẹ Ọrovwohwo de shotọ, ọ da torhẹ izobo na, vẹ irhe na, vẹ ibieragha na, vẹ iwurhie na, ọ da rare ame rọ hẹ ukpotọ na kpae.

1 Ikun rẹ Ivie 21:26

Devid da so agbada phihọ etiyin kẹ Ọrovwohwo o de ze izobo rẹ ẹtorhẹ vẹ izobo rẹ ufuoma, o de se odẹ rẹ Ọrovwohwo, ọ da vwẹ erhanre nyo nẹ obo odjuvwu rhe vwẹ enu rẹ agbada rẹ izobo ẹtorhẹ na.

2 Ikun rẹ Ivie 7:1

Ọke ri Solomọn vwọ nẹ ẹrhovwo nu, erhanre de she nẹ odjuvwu rhe rhe torhẹ izobo rẹ ẹtorhẹ na kugbe izobo na ejobi, urinrin rẹ Ọrovwohwo da rhe vọn uwevwi na.

Une rẹ Ejiro 20:3

E jọ karohọ izobo wẹn ejobi, re o se izobo rẹ ẹtorhẹ wẹn gbemu!

Ẹyano 13:12

ku wọ hẹriẹ phihọ akakọ kẹ Ọrovwohwo emu ejobi re bẹrẹ urhoro rẹ oni rọye. Otuvwiẹ rẹ eranvwe re dia eshare ke dia erẹ Ọrovwohwo.

Isẹ 3:9

Vwẹ emu wọ vwori ejobi bru ọghọ phihọ Ọrovwohwo oma, eriyin ji te emamọ rẹ esosuọ rẹ okọn wẹn ejobi;

Aghwoghwo 4:4

Etiyin me da mrẹ nẹ owian vẹ ona vwẹ iruo, omẹriọ ra ria kpahe ọrivẹ rẹ ohwo o nẹcha. Ọnana rhe je hẹ odiodi kugbe odju re nene họnra.

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Ukeri 16:35

Etiyin erhanre de nẹ obọ rẹ Ọrovwohwo rhe, ọ da rhe torhẹ ihwo ujori ivẹ gbẹ ujuvẹ gbẹ ihwe re torhẹ ugboduma na.

Ukeri 18:12

Evwri ro me yovwi ejobi, vẹ udi ro me yovwi kugbe eka, emamọ rẹ ẹsosuọ rayen vwọ kẹ Ọrovwohwo, me vwẹ ayen kẹ wẹ.

Ukeri 18:17

Ẹkẹvuọvo ọmọ rẹ ẹsosuọ rẹ erhuẹn yerẹ ogegede yerẹ ẹvwe, wọ tan eyena-a eyena fonro. Wọ me fẹrẹ ọbara rayen ku agbada na, ku wọ torhẹ ivwiri rayen kerẹ izobo ra vwẹ erhanre torhẹ re gbo ọnrhẹn ororo kẹ Ọrovwohwo.

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 9:22

Uyota, kirobo rẹ urhi epha kemu kemu ra fẹrẹ ọbara ku ejobi yọ fonro, kpẹsiẹ re sun ọbara te otọ-ọ yẹ evwoghovwo rẹ umwemwu herọ-ọ.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Iguẹdjọ 6:21

Etiyin amakashe rẹ Ọrovwohwo na da riẹn ẹroro rẹ ọkpọ rọ obọ rọye, o de vwo te ivwo rẹ eranvwe na kugbe ikara ri jephuo na, erhanre da la nẹ ẹvun rẹ oragha na rhe ọ da torhẹ ivwo rẹ eranvwe na vẹ ikara ri jephuo na; amakashe rẹ Ọrovwohwo na de hrẹn nẹ obaro rọye.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.