Jẹnẹsis 4:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Sẹt de rhe vwiẹ ọshare re se odẹ rọye Inọsh. Vwẹ ọke yena yẹ ihwo ghwe mu odẹ rẹ Ọghẹnẹ ese obọ.

Jẹnẹsis 4:26 ပူးပေါင်းရင်းမြစ်များ

Jẹnẹsis 12:8

O de vrẹn nẹ Etiyin vwo kpo enu rẹ ugbenu rọ obọrhe ri Bẹtẹl, ọ da bọn utughẹ rọye, yi Bẹtẹl obọhwere, Ai da rha obọrhe; Etiyin ọ da so agbada kẹ Ọrovwohwo o de se odẹ rẹ Ọrovwohwo na.

Jẹnẹsis 26:25

Etiyin ọ da so agbada o de se odẹ rẹ Ọrovwohwo, ọ da ghwa fa ọko phihọ Etiyin. Idibo rẹ Aizik da tọn orhare vwọ asan na.

1 Ivie 18:24

wo se odẹ rẹ ẹdjọ wẹn rere mi se odẹ Ọrovwohwo. Ọghẹnẹ rọ vwẹ erhanre mie kọye hẹ ọfuanfon. Ihwo na ejobi da kpahe Wọ riẹnre ta.

Une rẹ Ejiro 116:17

Ki mi ze izobo rẹ ẹkpẹvwẹ kẹ wẹ ri mi se odẹ rẹ Ọrovwohwo na.

Aizaya 44:5

Ọnana me tanẹ, Mẹvwẹ ọ rẹ Ọrovwohwo, ọfa me vwẹ odẹ ri Jekọp fa oma, ọfa mi si phihọ obọ rọye nẹ, Ọ rẹ Ọrovwohwo, o mi mu odẹ rivẹ kẹ oma rọye nẹ Izrẹl,

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Iyẹnrẹ Esiri ri Luk 3:38

rẹ ọmọ rẹ Enọs, rẹ ọmọ ri Sẹt, rẹ ọmọ rẹ Adam, rẹ ọmọ rẹ Ọghẹnẹ.

Iruo rẹ Iyinkọn na 11:26

Ọke rọ vwọ mrẹ ọ da reyọ vwọ rhe obi Antiọk. Kidie ayen dia ishọshi na ẹgbukpe soso ayen de yono ihwo buebu; Antiọk kọye hẹ asan rẹsosuọ re de mu odẹ kẹ idibo na nẹ ihwo ri Kristi.

Iruo rẹ Iyinkọn na 2:21

O de ru nure kohwo kohwo ro se odẹ rẹ Ọrovwohwo na kọ cha rhọ.

Ọbe ri Pọl si rhe Ihwo ri Rom 10:13

Kidie, kohwo kohwo ro se odẹ rẹ Ọrovwohwo kọ rhọ.

1 Kọrẹnt 1:2

Vwo rhe ishọshi rẹ Ọghẹnẹ rọ hẹ Kọrẹnt, vwo rhe ihwo re rufon vwẹ evun ri Kristi Jesu, re seri ne rhe dia ihwo efuanfon kugbe ayen ejobi re hẹ kasan kasan ri se odẹ rẹ Ọrovwavwanre Jesu Kristi, ọye hẹ Ọrovwohwo rayen kugbe ọ rẹ avwanre.