Jẹnẹsis 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na.

Jẹnẹsis 4:12 ပူးပေါင်းရင်းမြစ်များ

Jẹnẹsis 4:13

Ken da ta kẹ Ọrovwohwo, Oja mẹ ọ rhonọ obo ri mi se chiri.

Jẹnẹsis 4:14

Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Une rẹ Ejiro 109:10

Jẹn emọ rọye suosuo yan, re yaremu yan, jẹn a dje ayen ro otafe nẹ ehwehwe uwevwi rẹ ayen vwẹ oma da!

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

Hosia 9:17

Ọghẹnẹ mẹ cha kpare ayen kufia, kidie ayen davwerhọn rọye-e; ayen ki che suosuo vwẹ ohri rẹ ẹgborho na.

Joẹl 1:10

A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Livitikọs 26:36

Ovwan otu ra kua chekọ vwe otọ na, oma ko che bruro ovwan vwẹ otọ rẹ ivwighrẹ re ovwan na, edo re ọbe rẹ odju djuẹ ghevweghe kọ nẹrhẹ ayen mu onẹ dje, ke ayen cha djẹ kere ihwo ra vwe ọlọkọ vwọ tua, ke ayen che muẹ she ghwiotọ yẹ ohwo ovuọvo vwọ tua aye-en.

Ọbe ri Pọl si rhe Ihwo ri Rom 8:20

kidie a ma emama na kẹ egbo vẹ ẹghwọrọ, ọ dianẹ kẹ ọ rẹ ọhọrobọ rọye-e ẹkẹvuọvo vwẹ ọ rẹ ọhọre rẹ ohwo rọ vwẹ emu na hwaotọ vwẹ iphiẹrohọ;

Urhi Rivẹ 28:15

Ẹkẹvuọvo ọ da dianẹ ovwan rhe nyo urhuru rẹ Ọrovwohwo rẹ Ọghẹnẹ rẹ ovwan na eyẹ vwẹ oma kpotọ vwọ yọnrọn irhi rọye ejobi vẹ ẹgha rọye ri mi ji urhi rọye kẹ ovwan nonẹ na-a, ekan nana ejobi ki bru ovwan rhe ke je vwa ovwan.