Jẹnẹsis 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

Jẹnẹsis 4:10 ပူးပေါင်းရင်းမြစ်များ

Jẹnẹsis 18:20

Etiyin Ọrovwohwo da ta kẹ, Kidie ekuvwie rẹ edo ri Sodọm vi Gomora ọ rhoro gangan umwemwu rayen brare gangan,

Jẹnẹsis 3:13

Etiyin Ọrovwohwo Ọghẹnẹ da ta kẹ aye na, Ọna ki didi emu wo ruru na? Aye na da ta, Ọrọdekọ re phiẹn vwẹ, Me da re.

Jẹnẹsis 9:5

Fiki rẹ ọbara rẹ arhọ wẹn na ke Me ghene nekpẹn rẹ osa rọye, vwẹ obọ rẹ eranvwe keranvwe Me da nekpẹn rọye Etiyin ji te ohwo rẹ akpọ, vwẹ obọ rẹ oniọvo rọye.

Ivie rẹ Ivẹ 9:26

O muẹro kirobo me mrẹre vwẹ odẹ ro kpori kpahe ọbara ri Nabọt vẹ ọbara rẹ emọ rọye– Ọrovwohwo tare–Me cha hwa ifo na kẹ wẹ vwẹ ubrotọ nana. Fiki rẹ ọtiọye na vwẹ asakiephana, gbe muo wo re do phihọ ubrotọ na kirobo rẹ Ọrovwohwo tare.

2 Ikun rẹ Ivie 28:9

Ẹkẹvuọvo ọmraro rẹ Ọrovwohwo ọvo hẹ etiyin, re se odẹ rọye Ọbẹd; ọ da ra vwa unuofowi na rọ ro Sameria, ọ da ta kẹ ayen, Nighe, fiki rẹ obo rẹ Ọrovwohwo, Ọghẹnẹ rẹ esẹ rẹ ovwan, vwo mu ophu kpahe Juda, ọye o vwo phi ayen phihọ obọ rẹ ovwan, ẹkẹvuọvo wa da vwẹ ophu hwe ayen rẹ oviẹ rayen de re te odjuvwu.

ỌBE RẸ JOB 16:18

E otọ, wo rhurhu ọbara mẹ-ẹ, wo jẹ oviẹ mẹ mrẹ asan rẹ urovwoma-a.

ỌBE RẸ JOB 24:12

Ọ ro ghwẹ rọ hẹ evun rẹ orere na re beroma, enwẹn rẹ ohwo ra woma re kpere se ọchuko; yẹ Ọghẹnẹ kerhọ rẹ ẹrhovwo raye-en.

Une rẹ Ejiro 50:21

Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

Une rẹ Ejiro 72:14

Nẹ oshenyẹ vẹ ogbarogba ọ tan arhọ rayen nurhe; ọbara rayen ọ pha ghaghare vwẹ obaro rọye.

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

Une rẹ Ejiro 9:13

Ni arodọvwẹ mẹ, E Ọrovwohwo! Nighe obo re me re oja rọye vwẹ obọ rẹ ihwo ri tuoma mẹ, E wẹ re kpare ovwẹ kpenu nẹ anurhoro rẹ ughwu,

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Ukeri 35:33

Wọ vwẹ ọtiọna gbe otọ ru wọ dia na ẹgua-a; kidie ọbara e vwo gbe otọ na ẹgua, o vwo emu ọvuọvo re vwo phorho otọ na-a, fiki rẹ ọbara re sun te na, jokpa nẹ ọbara rẹ ohwo na rẹ obọ chọre na.

Iruo rẹ Iyinkọn na 5:3

Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu?

Iruo rẹ Iyinkọn na 5:9

Ẹkẹvuọvo ọ da ta kẹ aye na nẹ. Die nẹrhẹ ovwan ro ẹguare kugbe vwọ davwe Erhi rẹ Ọrovwohwo ni? Kerhọn rẹ ichiyi rẹ ihwo ri shi ọshare wẹn vwẹ anurhoro na, ayen je cha ghwa wẹ yanran.

Urhi Rivẹ 21:1

Ọ da dianẹ a mrẹ ohwo ọvo re di hwe phihọ otọ rẹ Ọrovwohwo Ọghẹnẹ wẹn vwọ kẹ wẹ nẹ wọ dia na, ra gbe riẹn ohwo ro hwere-e,

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Joshua 7:19

Etiyin Joshua da ta kẹ Ekan, Ọmọ mẹ, vwẹ urinrin kẹ Ọrovwohwo Ọghẹnẹ rẹ Izrẹl, rere wo jiro; gba ta kẹ vwẹ asakiephana obo wo ruru; wo sionẹ kẹ vwẹ-ẹ.

1 Samuẹl 13:11

Samuẹl da ta, Die wo ruru na? Sọl da ta, ọke me vwọ mrẹ nẹ ihwo na djẹ ju vwe vwo, re wọ gbe rhe vwẹ ọke re bruru na-a, ye ihwo ri Filistia na ghwẹ koko gbidi vwi Mikmash,