Jẹnẹsis 39:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

Jẹnẹsis 39:9 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 20:3

Ẹkẹvuọvo Ọghẹnẹ de bru Abimẹlẹk rhe vwẹ evwerhẹ vwẹ ason, ọ da ta kẹ, Nighe, orivwi wọ epha na, fiki rẹ aye ru wọ reyọre na, kidie aye rẹ ohwo ọfa o ruẹ.

Jẹnẹsis 20:6

Etiyin Ọghẹnẹ da ta kẹ vwẹ evun rẹ evwerhẹ, Uyota, Me riẹnre nẹ evun ọfuanfon wo vwo ru Ọnana, yẹ omẹvwẹ re sorọ ru wo vwo jẹ umwemwu eruo kpahọ ovwẹ, fiki rẹ ọtiọye na mi gbi ji wọ vwẹ obọ te-e.

Jẹnẹsis 20:9

Etiyin Abimẹlẹk de se Ebraham, ọ da ta kẹ, Die wo ru kẹ avwanre na? Kidie mi ru we, ru wọ vwọ nẹrhẹ ovwẹ vẹ uvie mẹ ru umwemwu rode tiọnana? Wo ru obo rẹ ohwo e ru-u vwọ kẹ vwẹ.

Jẹnẹsis 24:2

Ebraham da ta kẹ odibo rọye, rọ dia ọkpako vwẹ uwevwi rọye, rọ vwẹ ẹro te emu ro vwori ejobi, Phi obọ wẹn phihọ obotọ rẹ ekpoghowọ mẹ,

Jẹnẹsis 39:10

Dede na ọ ta ki Josẹf kẹdẹ kẹdẹ na, jẹn ọ davwerhọ rọye-e, ro vwo nene shevwerhẹ eyẹ ro vwo si kẹrẹ-ẹ.

Jẹnẹsis 41:40

ko wẹ re cha dia enu rẹ uwevwi mẹ, ihwo mẹ ke vwẹ oma kpotọ kẹ wẹ sun, jokpa rẹ obo ekete mẹ Me da rho nọ wẹ.

Jẹnẹsis 42:18

Vwẹ ẹdẹ rẹ erha Josẹf da ta kẹ ayen, Ru Ọnana re ovwan rhọ, kidie Me djẹ oshọ rẹ Ọghẹnẹ:

2 Samuẹl 11:27

Rẹ uvweri na vwọ ghwiẹ nu, Devid da reyọ vwo kpo uwevwi rọye, o de rhi hirhe phihọ aye rọye, o de vwiẹ ọmọshare vwọ kẹ. Ẹkẹvuọvo obo ri Devid ruru de miovwo Ọrovwohwo ivun.

2 Samuẹl 12:13

Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Nehemaya 6:11

Me da ta, ohwo kere omẹvwẹ na dje? Kono kerẹ omẹvwẹ na sa yanran kpo evun rẹ uwevwi re ẹga ra dia? Me cha ra-a.

ỌBE RẸ JOB 31:23

Kidie me hẹ uguegue rẹ okpetu ro che nẹ obọ rẹ Ọghẹnẹ cha, mi gbi se yivwi hirhe aro ku ọrho rọye na-a.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Ẹyano 20:14

Wo gbe igberadja-a.

Isẹ 6:29

Ọtiọye ohwo ro du aye rẹ ọrivẹ rọye epha, ohwo kohwo ro ru ọtiọye ejobi sa vabọ re ehwe-e.

Isẹ 6:32

Ohwo ro gbe igberadja o vwo iroro-o, o ro ru ọtiọye yẹ omobọ rọye o hwe.

Aghwoghwo 7:26

Me da rhe mrẹ obo rọ yare nọ ughwu aye rẹ udu rọye ọvo dia ufi vẹ obriki rẹ abọ rọye ọvọ je hẹ igoni, ohwo ro ru obo ri jẹ Ọghẹnẹ kọ djẹ vabọ ẹkẹvuọvọ aye na ko reyọ oruimwemwu vwọ boma.

Jerimaya 28:16

Vwẹ ọtiọye na enẹ Ọrovwohwo tare. Nighe, mi che si we nẹ otọ rẹ akpọ na. Vwẹ ẹgbukpe nana wo che ghwu, fikiridie wo gbe urhi rẹ Ọrovwohwo na ku.

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Livitikọs 6:2

Ọ da dianẹ ohwo ọvo ru umwemwu rọ da chọ urhi rẹ esegbuyota rẹ Ọrovwohwo na rọ da phiẹn ọrivẹ rọye vwọ ghware vwẹ oma re emu kemu ra vwọ kẹ yọnre eyẹ igho re vwo bru osa re emu ra dẹre, eyẹ kẹ uji echo, eyẹ oshenyẹ rẹ ọrivẹ rọye,

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

Iyẹnrẹ Esiri ri Luk 12:48

Ẹkẹvuọvo ọ rọ riẹnre-e, ro de ru emu ro fo ehwe, ehwe rọye kọ dia frae. Kohwo kohwo ra vwẹ emu buebu ke, emu buebu a je nọ ekpẹn vwẹ obọ rọye; ohwo ra vwẹ ọrho rode kẹ emu rode a je nọ ekpẹn vwẹ obọ rọye.

1 Kọrẹnt 4:2

Ọ rọ marho a guọnọre nẹ imuidi na dia ihwo ra vwẹ ẹro so.

Taitọs 2:10

Ayen gbe ota phihọ ayen unu-u, ayen tọrọ obọ-ọ, ẹkẹvuọvo ayen nabọ vwẹ uruemu esiri phia, rere ihwo vwo mu ọghọ kẹ uyono rẹ Ọghẹnẹ Osivwi rẹ avwanre, vwi kemu kemu.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

1 Jọn 3:9

Kohwo kohwo rẹ Ọghẹnẹ vwiẹri se ruẹ umwemwu-u; kidie omamọ uruemu rẹ Ọghẹnẹ na hẹ evun rọye, o rhe se ru umwemwu-u fikiridie Ọghẹnẹ ri vwiẹrẹ.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.