Jẹnẹsis 38:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo Ẹr rẹ ọwanra ri Juda, da dia ohwo umwemwu vwẹ obaro rẹ Ọrovwohwo; Ọrovwohwo de hwe.

Jẹnẹsis 38:7 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 19:13

fikiridie avwanre cha ghwọrọ etinẹ na, kidie edo rẹ orukuruku rẹ ihwo nana rhi duvwu erhọ rẹ Ọrovwohwo, Ọrovwohwo kọye ri ji avwanre rhe re ghwọrọ na.

Jẹnẹsis 38:6

Juda da reyọ aye vwọ kẹ Ẹr rẹ ọwanra rọye re se Tamar.

Jẹnẹsis 46:12

Emọ ri Juda: Ẹr, Ọnan, Shelah, Pẹrẹz, vi Zerah (ẹkẹvuọvo Ẹr vẹ Ọnan de ghwu vwẹ otọ ri Kenan); emọ ri Pẹrẹz ke rha Hezron vi Hamul.

Jẹnẹsis 6:8

Ẹkẹvuọvo Noa kọye ivun rọye vwerhe Ọrovwohwo na.

1 Ivie 17:20

O de kperi se Ọrovwohwo, E Ọrovwohwo Ọghẹnẹ mẹ, ku wo rhi si okpetu hwe ayeuku nana ri mi rhi wo na, rere wo hwe ọmọ rọye?

1 Ikun rẹ Ivie 2:3

Emọ ri Juda: Er, Onan, kugbe Shelah; enana erha na Bat-shua rẹ ohwo ri Kenan vwiẹ kẹ. Asakiephana Er, ọmọkpako ri Juda da dia ohwo umwemwu vwẹ obaro rẹ Ọrovwohwo, Ọrovwohwo de hwe.

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Ukeri 26:19

Emọ ri Juda da dia Ẹr kugbe Onan; etiyin Ẹr vẹ Onan de ghwu vwẹ otọ ri Kenan.

1 Samuẹl 2:25

ọ da dianẹ ohwo ru umwemwu kpahe ohwo, Ọghẹnẹ kọye re rhuẹrẹ ayen phihọ ẹkẹvuọvo ohwo de rhe ru umwemwu kpahe Ọrovwohwo, kono re rẹ orẹ kẹ? Ẹkẹvuọvo ayen gbe kerhọ rẹ urhuru rẹ ọsẹ raye-en; kidie ẹguọnọ rẹ Ọrovwohwo rere ọ vwọ teyọ ayen hwe.