Jẹnẹsis 38:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ ọ da ghwiẹ iwun rẹ uvweri rọye nu, ọ da vwẹ oga vwo rhurhu, ọ da vwẹ emwa kroma, o de tidia unu rẹ egodo rọ Enaim rọ idjerhe ra wan kpo Timnah, kidie ọ mrẹre nẹ Shelah ghwaire, yẹ a je vwẹ ọye kẹ vwọ rọvwọ-ọ.

Jẹnẹsis 38:14 ပူးပေါင်းရင်းမြစ်များ

Jẹnẹsis 24:65

ọ da ta kẹ idibo na nẹ, Didi ọshare oboyi na, ro yan bru avwanre cha na? Odibo na da ta, Onini mẹ. Etiyin ọ da reyọ oga rọye vwo rhurhu.

Jẹnẹsis 38:15

Ọke ri Juda vwọ mrẹ o de vwo roro igberadja, kidie ọ vwẹ oga rhurhu opharo.

Jẹnẹsis 38:19

Etiyin o vrẹnri ọ da yanran, ọ ghwiẹ oga na nu o de ku iwun rẹ uvweri rọye phihọ.

Jẹnẹsis 38:26

Juda de vughe ayen ọ da ta, Ọ dia ọvwata nọ vwẹ, kidie ọ rha guakẹ vwẹ vwọ kẹ Shelaha-a. O vọye gbe mroma ọfa-a.

Isẹ 7:10

Kọye mi vwo no, aye ọvo da ra vwa, ọ nabọ gba fia kerẹ igberadja, udu rọye vọnre vẹ ọphiẹvwẹ.

Isẹ 7:12

owọ ọvo evun rẹ urhuvwu, owọ ọvo hẹ evun rẹ eki, kakakọ kakakọ ọye o de muẹdia hẹrhẹ.

Jerimaya 3:2

Kpare opharo wẹn kpenu rẹ ugbenu phrephre na, ru wọ mrẹ Tivọ a vo wẹ de je oma ẹmrẹ vwo. Vwẹ orhoma rẹ idjerhe etiyin wo tidia da hẹrhẹ esen wẹn, kerẹ ohwo rẹ Arebia vwẹ evun rẹ aghwa Ovwan vẹ igberadja rẹ ovwan vwo miovwi otọ na.

Izikiẹl 16:25

vwẹ oba koba rẹ urhuvwu wọ da bọn asan ro kpenu kẹ oma wẹn ku wọ vwẹ erhuvwu wẹn gbe igberadja, wọ vwẹ oma wẹn ru ẹse kẹ ihwo re wanvrẹn, igberadja kegbe-egbe.