Jẹnẹsis 32:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ.

Jẹnẹsis 32:11 ပူးပေါင်းရင်းမြစ်များ

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.

Jẹnẹsis 27:41

Kẹ ọke nana yanran oma ri Jekọp ko tuẹ Isọ fiki rẹ ẹrhovwo rẹ ọsẹ rọye nẹ kẹ, Isọ da ta kẹ omoma rọye, Ẹdẹ rẹ ughwu ri Baba kẹrire, ke Me teye oniọvo mẹ na Jekọp hwe.

Jẹnẹsis 27:42

Ẹkẹvuọvo eta rẹ Isọ na rẹ ọmọkpako rọye na e de rhi gbe ayen kẹ Rebeka; o de ji ohwo re se Jekọp rẹ omotete rọye na, ọ da vuẹ nẹ, Nighe, Isọ rẹ oniọvo wẹn ọ rọ jẹn iroro ro vwo hwe we, ọke o di nẹ na.

Jẹnẹsis 32:3

Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm,

Jẹnẹsis 32:7

Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ,

Jẹnẹsis 33:4

Ẹkẹvuọvo Isọ da djẹ ra vwa, ọ da gbanọ, ọ da vwẹ uyovwi kpahọ ohọre ọ da fiọnfiọn unu, ayen da viẹ.

2 Samuẹl 7:18

Ẹtiyin ovie Devid da ro uwevwi o de tidia vwẹ obaro rẹ Ọrovwohwo, ọ da ta, Ono omẹvwẹ E Ọrovwohwo Ọghẹnẹ, didi emu uwevwi mẹ epha ru wọ da vwo vwẹ kpenu ọtiọna?

Une rẹ Ejiro 119:134

Tan vwẹ nẹ oshenyẹ re ohwo rẹ akpọ, rere me vwọ yọnrọn iji wẹn.

Une rẹ Ejiro 142:6

Kerhọn rẹ oviẹ mẹ, kidie a vwẹ ovwẹ kpotọ gangan! Sivwi uvwe nẹ obọ rẹ otu ri mu vwe, kidie ayen ganọ kẹ vwẹ!

Une rẹ Ejiro 16:1

Sẹro mẹ, E Ọghẹnẹ, kidie evun wẹn mi de si oma nu.

Une rẹ Ejiro 25:20

E sẹro rẹ arhọ mẹ, rere wo sivwi uvwe; wọ ja phọphọ ovwẹ-ẹ, kidie mi si oma mẹ nu vwẹ evun wẹn.

Une rẹ Ejiro 31:2

Rhie erhọn wẹn kẹ vwẹ, sivwi uvwe okpokpakpa! Dia oragha rẹ adjẹrhọ kẹ vwẹ, ogba ọgangan ro sivwi uvwe!

Une rẹ Ejiro 43:1

Brorhiẹ mẹ, E Ọghẹnẹ, rere wọ chochọ mẹ kpahe ihwo umwemwu; biko sivwi uvwe nẹ obọ re ihwo re phiẹn vwe kugbe ihwo ebrabra.

Isẹ 18:19

Ukoecha ra vwọ kẹ oniọvọ ọ họhọ orere ọgangan, ẹkẹvuọvo ẹghwọ họhọ ogbẹn ra vwọ kanrẹ ighẹn.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Hosia 10:14

Fiki rẹ ọtiọye na edo rẹ ofovwi vwo mu vwẹ ohri rẹ ihwo wẹn, ogba ọgangan wẹ ejobi ka guọghọ ayen, kerẹ obo ri Shalman guọghọ Bẹtabẹl vwẹ ẹdẹ rẹ ofovwi na; te ini vẹ emọ rayen ka vwẹ ayen fa otọ hwe.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Urhi Rivẹ 22:6

Ọ da dianẹ wọ yan te asan rẹ ẹho rẹ ọmọphran epha vwẹ enu rẹ urhe eyẹ vwẹ enu rẹ otọ, o de vwo emọ oboba eyẹ ikẹn yẹ oni rẹ ọphran na rhuẹn emọ na eyẹ ikẹn na, wo muẹ emọ na muẹ oni-i;

1 Samuẹl 12:10

Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.