Jẹnẹsis 32:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

Jẹnẹsis 32:10 ပူးပေါင်းရင်းမြစ်များ

Une rẹ Ejiro 18:35

Wẹ re ke vwẹ ekpọfia rẹ esivwo, obọrhe wẹn da chọ vwẹ, ọchuko wẹn de ru vwe rhọ.

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.

2 Samuẹl 7:18

Ẹtiyin ovie Devid da ro uwevwi o de tidia vwẹ obaro rẹ Ọrovwohwo, ọ da ta, Ono omẹvwẹ E Ọrovwohwo Ọghẹnẹ, didi emu uwevwi mẹ epha ru wọ da vwo vwẹ kpenu ọtiọna?

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

2 Kọrẹnt 12:11

Ekpa me epha jovwo! Ovwan ri bi vwe phihọ, kidie ovwan ejiri uvwe vẹrhe. Kidie me dia orharhe kakaka kẹ otu nana ri se oma iyinkọn na-a, dede na yi mi fi emuọvo-o.

Iyẹnrẹ Esiri ri Luk 17:10

Ọtiọye rhe, vwẹ ọke wo de ru obo re ji iji kẹ wẹ nu, kọ ta, Avwanre idibo ri fi emuọvo-o; avwanre di ru ẹkẹn iruo ro te avwanre.

Iyẹnrẹ Esiri ri Luk 5:8

Ẹkẹvuọvo ri Saimọn Pita vwọ mrẹ, o de she diguẹ vwẹ obaro ri Jesu, tanẹ, Bi nẹ uvwe oma, kidie mẹvwẹ oruimwemwu, E, Ọrovwohwo.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Une rẹ Ejiro 84:7

Ayen yan nẹ ogangan ra ro ogangan; Ọghẹnẹ rẹ eghẹnẹ ejobi ka mrẹ vwi Zayọn.

Une rẹ Ejiro 61:7

Jẹn e vwo tidia ekete na bẹdẹ vwẹ obaro rẹ Ọghẹnẹ; jẹn ẹguọnọ ro jẹ rhẹriẹ vẹ esegbuyota rhẹrẹ!

Une rẹ Ejiro 16:2

Me da ta kẹ Ọrovwohwo, Wẹ Ọrovwovwe, Mi vwo uyoyovwi ọvuọvo-o jokpa nẹ ọ wan oma wẹn rhe.

Une rẹ Ejiro 8:5

Dede na wọ marọ kpotọ emerha nọ Ọghẹnẹ, wọ da vwẹ erhu rẹ urinrm vẹ ọghọ vwo tughẹ.

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

ỌBE RẸ JOB 8:7

Owenẹ ẹtuohọ wẹn havwere dede, Obuko rẹ akpọ wẹn cha rhua gangan.

Urhi Rivẹ 8:18

wọ Me karohọ Ọrovwohwo Ọghẹnẹ wẹn na, kidie ọye vwẹ ogangan kẹ wẹ wo vwo fe na; rere ọ vwọ yọnrọn ọphọ rọye ro nene esẹ wẹn re, kirobo rọ epha nonẹ na.

Jẹnẹsis 32:7

Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ,

Jẹnẹsis 32:5

mi vwo irhuẹn, ekẹtẹkẹtẹ, uchuru, idibo rẹ eshare, idibo rẹ emetẹ, ki mi ji ihwo rhe ta kẹ ọrovwovwe, se Me sa mrẹ aruesiri vwẹ obọ wẹn.

Jẹnẹsis 30:43

Kẹnẹ Jekọp ru fe gangan, o de vwo uchuru, kugbe idibo rẹ emetẹ vẹ ere eshare kugbe iyesi vẹ ekẹtẹkẹtẹ.

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

Jẹnẹsis 18:27

Ebraham da kpahe, Nighe, Me ra ta ota kẹ Ọrovwohwo, mẹvwẹ re ekpẹn vẹ iwurhie diodi na,

2 Samuẹl 17:24

Etiyin Devid de rhi te Mahanaim; Absalọm da wan Jọdan vrẹn te ọye te ihwo rẹ Izrẹl ejobi.

Jẹnẹsis 24:12

Ọ da ta, E Ọrovwohwo, Ọghẹnẹ rẹ onini mẹ Ebraham, ju vwe phi kparobọ nonẹ, Me rẹ wẹ, re wọ vwẹ evuesiri wẹn na vwọ nẹ onini mẹ Ebraham.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 31:3

Ọrovwohwo da ta ki Jekọp, Rhivwi kpo otọ rẹ ọsẹ wẹn bru uvwiẹ wẹn, ki mi nene uwe dia.