Jẹnẹsis 31:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọrovwohwo da ta ki Jekọp, Rhivwi kpo otọ rẹ ọsẹ wẹn bru uvwiẹ wẹn, ki mi nene uwe dia.

Jẹnẹsis 31:3 ပူးပေါင်းရင်းမြစ်များ

Jẹnẹsis 13:15

kidie otọ na ejobi re wọ mrẹ na Me vwẹ ayen kẹ wẹ kugbe uvwiẹ wẹn bẹdẹ.

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

Jẹnẹsis 28:4

Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

Jẹnẹsis 30:25

Ri Rachel vwo vwiẹ Josẹf nu, Jekọp da ta ki Laban, Gbe si obo nu vwe, rere mi kpo uwevwi mẹ vẹ orho mẹ.

Jẹnẹsis 31:13

Mẹvwẹ Ọghẹnẹ ri Bẹtẹl, asan wọ da vwẹ evwri ghworo oragha re vwo vi na kugbe asan ri wo de vẹ ive kẹ vwẹ na. Gbe vrẹn vwẹ ọke na, ri wo rhivwi kpo nẹ otọ na, re wo kpo otọ re de vwiẹ wẹn.

Jẹnẹsis 31:18

ọ da djẹ uchuru rọye phihọ obaro, kugbe eranvwe ro vwori ejobi, uchuru ro vwori vwi Padanaram, rere o kpo otọ ri Kenan bru Aizik rẹ ọsẹ rọye ra.

Jẹnẹsis 31:2

Jekọp ke rha mrẹ vughe nẹ ivun rọye gbe rha vwerhe Laban kiri ọke rẹ ẹsosuọ-ọ.

Jẹnẹsis 31:4

Jekọp de ji ikọ re se Rachel vi Leah rhe obo ẹghwa ro de churu eranvwe na,

Jẹnẹsis 32:10

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

Jẹnẹsis 32:5

mi vwo irhuẹn, ekẹtẹkẹtẹ, uchuru, idibo rẹ eshare, idibo rẹ emetẹ, ki mi ji ihwo rhe ta kẹ ọrovwovwe, se Me sa mrẹ aruesiri vwẹ obọ wẹn.

Jẹnẹsis 32:9

Jekọp da ta, E Ọghẹnẹ rẹ ọsẹ mẹ Ebraham kugbe Ọghẹnẹ rẹ ọsẹ mẹ Aizik, E Ọrovwohwo rọ ta kẹ vwẹ nẹ, Rhivwi kpo orho wẹn bru uvwiẹ wẹn, ki mi ru we yovwi,

Jẹnẹsis 35:1

Ọghẹnẹ da ta ki Jekọp, Vrẹn, yanran kpo Bẹtẹl, re wọ dia Etiyin; rere wọ dia Etiyin so agbada kẹ Ọghẹnẹ rọ vwẹ oma phia kẹ wẹ na ọke wọ vwọ djẹ nẹ obọ rẹ oniọvo wẹn Isọ.

Jẹnẹsis 35:3

we jẹn avwanre vrẹn re e kpo Bẹtẹl, re Me dia oboyi so agbada kẹ Ọghẹnẹ ro nyo vwe vwẹ ọke rẹ ukpokpogho, rọ vẹ ovwẹ herọ vwẹ asan kasan Me rare ejobi.

Jẹnẹsis 50:24

Josẹf da ta kẹ emesẹ rọye, Mi che ghwu reọ, ẹkẹvuọvo Ọghẹnẹ che bru ovwan rhe, rọ da reyọ ovwan nẹ otọ nana vwo kpo otọ re veri kẹ Ebraham, Aizik, kugbe Jekọp.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 90:15

Gbe jẹn avwanre ghọghọ kerẹ uche ẹdẹ ru wọ lagha avwanre krite, kerẹ uche ikpe re avwanre mrẹ umiovwo krite.

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.