Jẹnẹsis 30:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ophu de mu Jekọp kpahe Rachel, ọ da ta, Mẹvwẹ Ọghẹnẹ rọ karo owẹ evwiẹ?

Jẹnẹsis 30:2 ပူးပေါင်းရင်းမြစ်များ

Jẹnẹsis 16:2

Serai da ta kẹ Ebram, Gbe no, Ọrovwohwo kanro ovwẹ o gbi ju vwe vwiẹ ọmọ-ọ, gbe bru ọmọtẹ mẹ na ra, ọkeọvo ke Me wan oma rọye vwo ọmọ. Ebram de nyo ota ri Serai na.

Jẹnẹsis 20:18

Fikiridie Ọrovwohwo bru eya rẹ uwevwi rẹ Abimẹlẹk uvwiẹ fiki ri Sera rẹ aye rẹ Ebraham rọ reyọre.

Jẹnẹsis 25:21

Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun.

Jẹnẹsis 29:31

Ọke rẹ Ọrovwohwo vwọ mrẹ nẹ ivun ri Leah sa vwerhe Jekọp te-e, o de rhie urhoro rẹ emọ kẹ, ẹkẹvuọvo Rachel kẹ ẹga.

Jẹnẹsis 31:36

Etiyin ivun de rhi miovwo Jekọp, ọ da ghwo ku Laban, Jekọp da ta ki Laban, Didi ogbeku wọ mrẹ vwẹ obọ mẹ? Ọ rhọ umwemwu mẹ, ru wọ vwọ tua vwẹ?

Jẹnẹsis 50:19

Ẹkẹvuọvo Josẹf da ta kẹ ayen, Wa djẹ oshọ-ọ fikiridie kẹ ẹdia rẹ Ọghẹnẹ mi epha?

Ivie rẹ Ivẹ 5:7

Ọke rẹ ovie rẹ Izrẹl vwo se ọbe na nu, ọ da bẹrẹ emwa rọye ọ da ta, Mẹvwẹ Ọghẹnẹ, ro se hwe rọ je sa kẹ arhọ rẹ ohwo nana vwọ vuẹ vwẹ ni mi sivwi oti rẹ ọshare nana kpo? Gbe nighe, wọ mrẹ obo rọ guọnọ ẹghwọ mẹ.

Une rẹ Ejiro 113:9

Ọ kẹ aye rẹ ẹga uwevwi, o mi ruo oniemọ rẹ aghọghọ. Jiri Ọrovwohwo na!

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Ẹyano 32:19

Ugege ro ghwe vwo si kẹrẹ erhọn na rọ vwọ mrẹ ọmọ rẹ erhuẹn na vẹ eha na, ophu ri Mosis da tua, o de phi ephapha na nẹ obọ rọye i de vwirhi ayen vwẹ asan esiri rẹ ugbenu na.

Matiu 5:22

Ẹkẹvuọvo me ta kẹ ovwan nẹ, ohwo kohwo rẹ evun rẹ omoni rọye miovwiri ekueku, ke vwo gu ẹdjọ; ohwo kohwo ro harhe omoni rọye nẹ, Eghwobi, ke vwo guẹdjọ kẹ ukoko rẹ ihwo, ohwo rọ harhere nẹ, Wẹ ẹkpa na, kọ vwẹ ẹro siẹn oja rẹ erhanre ri bẹdẹ.

Iyẹnrẹ Esiri ri Mak 3:5

Ọke rọ vwọ vwẹ ophu ni ayen yariẹ ivun de miovwo fiki rẹ udu ọgangan rayen, ọ da ta kẹ ọshare na, Riẹn obọ wẹn. Ọ da riẹn obọ rọye obọ rọye de shehọ kerẹ ọ ro chekọ na.

Iyẹnrẹ Esiri ri Luk 1:42

o de mu kperi gangan, Ebruphihọ kẹ wẹ vwẹ ohri rẹ eya, ebruphihọ kẹ akpẹn rẹ evun wẹn!

Ẹfesọs 4:26

Mu ophu ẹkẹvuọvo wo ru umwemwu-u; wo jẹn ọnre she kpotọ ghene ophu wẹ-ẹn,

1 Samuẹl 1:5

dede ivun rẹ Hanah vwerhọ na, yẹ ẹkẹ ọvuọvo sogono ọye ọ kẹ, fikiridie Ọrovwohwo kanre asun uvwiẹ rọye.