Jẹnẹsis 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie Ọghẹnẹ riẹnre nẹ ọke wa da riọ ẹro rẹ ovwan ko rhie, ku wa họhọ Ọghẹnẹ, rọ riẹn erhuvwu vẹ umiovwo.

Jẹnẹsis 3:5 ပူးပေါင်းရင်းမြစ်များ

Jẹnẹsis 2:17

ẹkẹvuọvo urhe rẹ erianriẹn rẹ erhuvwu vẹ umiovwo na wọ riọọ, kidie ẹdẹ re wọ rerọ ku wo ghwu.

Jẹnẹsis 2:9

Vwẹ evun rẹ otọ na kọye Ọrovwohwo Ọghẹnẹ tare nẹ urhe kurhe ro yovwiri, fẹro ji fẹriọ gba djẹrhe, urhe rẹ arhọ na rọ ji uherevie rẹ udju na, kugbe urhe rẹ erianriẹn rẹ erhuvwu vẹ umiovwo.

Jẹnẹsis 3:10

Ọ da tanẹ, Mi nyo urhuru wẹn vwẹ evun rẹ udju na, oshọ ko mu vwe, fikiridie Me ban phihọ; ki mi si oma mẹ nu.

Jẹnẹsis 3:22

Ọrovwohwo Ọghẹnẹ da ta, Nighe, ohwo rhoma rhe họhọ ọvo rẹ avwanre re, rọ riẹn erhuvwu vẹ umiovwo re, Asakiephana, a da fọ ke, ọ cha riẹn obọ rọye rhe ọ da je rhe reyọ omamọ rẹ urhe rẹ arhọ na, ọ da riọ, ọ da rhe dia bẹdẹ.

Jẹnẹsis 3:7

Kọye ẹro rayen ivẹ de rhie, ayen da riẹn nẹ ayen ban phihọ, ayen de ko ẹbe ri fig kugbe vwo ru amwa vwo rhuo oma rayen.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

2 Ikun rẹ Ivie 32:15

Asakiephana wo gbi jẹn Hẹzikaya phiẹn wẹ-ẹ eyẹ o sun we vwẹ idjerhe nana-a, we segbuyota-a, kidie o se vwo ọghẹnẹ rẹ ẹgborho ọvuọvo eyẹrẹ uvie ro se sivwi ihwo rọye nẹ obọ mẹ eyẹ obọ rẹ esẹ mẹ-ẹ? Komavọ ọ dia rẹ Ọghẹnẹ wẹn vwo se sivwi uwe nẹ obọ mẹ?

Une rẹ Ejiro 12:4

ayen otu re tanẹ, Ẹrenvwe rẹ avwanre me vwo phi kparobọ, ẹbẹrunu re avwanre rhe avwanre; kono onini re avwanre?

Ẹyano 20:7

Wọ se odẹ rẹ Ọrovwohwo Ọghẹnẹ wẹn ogbise-e, kidie Ọrovwohwo se bru orhiẹn ke otu ri se odẹ rọye ogbise-e.

Ẹyano 5:2

Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

Aizaya 14:14

Mi yeri vrẹn enu rẹ irharheghe na, Ki mi ru oma mẹ kerẹ Ọ ro Me kpenu na.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Izikiẹl 28:12

Ọmọ rẹ ohwo, teye ugoroviẹ phihọ kẹ ovie ri Taya, re wọ ta kẹ, E nẹ Ọrovwohwo Ọghẹnẹ tare: Wẹ oka rẹ orugba, rọ vọnre vẹ ẹghwanre rọ gbare vẹ erhuvwu.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Izikiẹl 28:9

Ku wo je tanẹ, mẹvwẹ Ọghẹnẹ, vwẹ irharo rẹ otu ri hwe we na, ye wewe ohwo ghevweghe, wọ dia ọghẹnẹ-ẹ, vwẹ obọ rẹ ihwo re wan we oma na?

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Daniẹl 6:7

Itidiaga rẹ uvie na ejobi, inotu vẹ ehọnvwọre, ediaguare, kugbe isun ride na koko jẹ iroro nẹ ovie ji urhi rọ nabọ jẹ yọnrọn gan, tanẹ, kohwo kohwo rọ nẹ ẹrhovwo kẹ kọghẹnẹ kọghẹnẹ ejobi eyẹ ohwo, jokpa wẹ ọvo, E ovie, ke muo teye unu rẹ ikpohrokpo.

Matiu 6:23

Ẹkẹvuọvo ẹro wẹn da dia brabra, oma wẹn na ejobi kọ vọn vẹ ebri. Ọrẹmrẹ rọ hẹ oma wẹn de mu ebri, komavọ ebri yena rho te!

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 13:4

Ihwo da gọ okpodje na, kidie ọ vwẹ ogangan rọye kẹ eranvwe na, ayen da gọ eranvwe na, tanẹ, Ono re họhọ eranvwe na, kono re sa họnrọ?

Iguẹdjọ 3:2

rere uvwiẹ ejobi rẹ ihwo rẹ Izrẹl sa vwọ riẹn obo re phi ofovwi, rere ọ mrẹ vwọ yono ihwo re riẹn obo re phi ofovwi-i.