Jẹnẹsis 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwọ kẹ aye na ọ da ta, Me kẹ wẹ odjadja buebu vwẹ ọke rẹ evwiẹ wẹn, vwẹ odjadja wo de vwiẹ emọ, ẹguọnọ wẹn kẹ obọ rẹ ọshare wẹn onurhe, ko sun we.

Jẹnẹsis 3:16 ပူးပေါင်းရင်းမြစ်များ

Jẹnẹsis 4:7

Wọ riẹn ru nọ, ọ gbe rha jẹn wẹ reyọ? Wọ rha riẹn ru-u na, umwemwu fiọko vwọ anurhoro wẹn, wẹwẹ ọ guọnọ reyọ ẹkẹvuọvo pharhe wo phio kparobọ.

1 Ikun rẹ Ivie 4:9

Jabẹz re ma dia ohwo ro vwo ọghọ nọ iniọvo rọye rẹ emeshare; oni rọye de mu odẹ ri Jabẹz kẹ, tanẹ, Kidie evwiẹ rọye ga kẹ vwẹ.

Ẹsta 1:20

Ọtiọye na ọke re de ghwoghwo urhi nana rẹ ovie jiri na nene uvie rọye na ejobi, rọ pha rhuarho na, eya na ejobi ki mu ọghọ kẹ eshare rayen, tẹ ọrode tẹ otutuno.

Une rẹ Ejiro 48:6

oma kọ phariẹ ayen vwẹ etiyin, kere aye rọ chuẹ uvwiẹ.

Aizaya 13:8

ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Jerimaya 13:21

Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

Jerimaya 22:23

E ohwo rọ dia Lebanọn, rọ bọn ẹho phihọ ohri ri igedu. Mavọ wọ guan te re odjadja de bru we rhe, ọtie odjadja rẹ aye rọ chuẹ uvwiẹ!

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 49:24

Damaskọs hirhe phihọ ọvwiẹrẹ re, o kuoma rhẹriẹ kọ djẹ, uguegue de muo; uvwerhe vẹ oja gbarọ kokoroko, kerẹ aye rọ chuẹ uvwiẹ.

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Ukeri 30:13

Ive kive eyẹ omẹsiọn ro mu aye, ọshare rẹ aye se mudia, eyẹ ọshare rọye se gu kufia.

Iyẹnrẹ Esiri ri Jọn 16:21

Ọke rẹ aye da chuẹ uvwiẹ kọ mrẹ odjadja, fikiridie yẹ ọke rọye tere; ẹkẹvuọvo ọke ro de vwiẹ ọmọ na nu, ọ gbe karohọ odjadja na ọfa-a, fiki rẹ aghọghọ rẹ ọmọ ro vwiẹ phihọ akpọ na.

1 Kọrẹnt 11:3

Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

1 Kọrẹnt 14:34

eya na mi rhurhu unu vwẹ evun rẹ ishọshi. Kidie a rhọvwe kẹ ayen nẹ e ta ota-a, ẹkẹvuọvo e vwẹ oma kpotọ, kirobo rẹ urhi na tare.

1 Kọrẹnt 7:4

Kidie aye na ọvo se sun oma rọye-e, ẹkẹvuọvo ọshare rọye ri suo; ọtiọye rhe ọshare ọvo ji se sun oma rọye-e, ẹkẹvuọvo aye rọye ri suo.

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

1 Timoti 2:13

Kidie Adam a ka ma, tavwe ra ke ma Ivi;

1 Timoti 2:15

Vẹ oma rẹ emo evwiẹ a wan sivwi aye, ọ da diane o vwo esegbuyota kugbe ẹguọnọ kugbe ẹfuọn, kugbe dẹndẹn.

Taitọs 2:5

Jẹ ayen dia dẹndẹn vẹ uruemu rọ gbare, rere ayen nabọ wian owian vwẹ uwevwi rayen, ri ji ni aruẹdọn, re vwẹ oma kpotọ kẹ eshare rayen rere e vwo jẹ ota rẹ Ọghẹnẹ e gbe kuẹ.