Jẹnẹsis 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọrovwohwo Ọghẹnẹ da ta kẹ ọrọdekọ na, Fiki robo wo vwo ru emu nana, eka kẹ wẹ vwẹ ohri rẹ uchuru ejobi, kugbe ohri rẹ eranvwe ejobi; evun wẹn kọye wo vwo kpono yan, ekpẹn kọye wọ cha re vwẹ ẹdẹ rẹ akpọ wẹn ejobi.

Jẹnẹsis 3:14 ပူးပေါင်းရင်းမြစ်များ

Jẹnẹsis 3:1

Asakiephana ọrọdekọ kọye Me vwo aghwanre nọ eranvwe ri chekọ vwẹ aghwa rẹ Ọrovwohwo Ọghẹnẹ mare na. Ọ da ta kẹ aye na, Ọ dianẹ Ọghẹnẹ tare nẹ, Wọ re emamọ rẹ irhe rẹ udju na vuọvo-o?

Jẹnẹsis 4:11

Vwẹ enẹna a harhe owẹ eka nẹ otọ na rhe, ọto rhie unu rọye vwọ da ọbara rẹ oniọvo wẹn mie we.

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

Une rẹ Ejiro 72:9

E jẹn ivwighrẹ rọye gbe uyovwi kpotọ kẹ rere ivwighrẹ rọye rare ekpẹn na!

Aizaya 29:4

Etiyin nẹ obo okokodo rẹ akpọ na wọ da ta ota phia, vwe ọbo otọ rẹ iwurhie ota wẹn che nurhe; urhuru wẹn cha mra nẹ evun rẹ otọ rhe kerẹ urhuru rẹ orivwi, ota wẹn kọ họhọ ophiọrọ re gbe nẹ iwurhie na rhe.

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Livitikọs 20:25

Vwẹ ọtiọye na ovwan gbe phi ohẹriẹ phihọ eranvwe re fonro vẹ e ri jẹfuọn, eriyin je ephran re fonro vẹ e ri jẹfuọn, ovwan rhe gbe ẹgua vwẹ oma rẹ eranvwe eyẹ ephra-an, eyẹ emu kemu ro biẹ gbrigbrigbri vwẹ otọ, e re Me tanẹ ovwan kẹnẹ oma ke ne ijẹfuọn na.

Maika 7:17

ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.