Jẹnẹsis 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọshare na da ta, Aye ru wọ vwọ kẹ vwẹ nẹ o nene uvwe dia, ọye vwẹ emamọ rẹ urhe na kẹ vwẹ, Me da re.

Jẹnẹsis 3:12 ပူးပေါင်းရင်းမြစ်များ

Jẹnẹsis 2:18

Ọrovwohwo Ọghẹnẹ da ta, Oyoma rere ọshare ọvo vwọ dia sogono-o, Me ma ọchuko ro fori vwọ kẹ.

Jẹnẹsis 2:20

Ohwo na de mu odẹ kẹ uchuru ejobi, vwọ kẹ ephran rẹ obenu na, ji te eranvwe rẹ aghwa na, ẹkẹvuọvo vwọ kẹ ekpuyovwi rẹ ohwo na a gbe mrẹ ọchuko ro fori vwọ kẹ-ẹ.

Jẹnẹsis 2:22

ubiedada rẹ Ọrovwohwo Ọghẹnẹ reyọre nẹ oma rẹ ọshare rhe na o da vwọ ma aye ọ da reyọ vwọ kẹ ọshare na.

Jẹnẹsis 3:11

O da ta, Ono ta kẹ wẹ nẹ wọ ban phihọ? Takpe wọ re omamọ rẹ urhe ri mi ji urhi kẹ wẹ nu wọ ria-a na?

ỌBE RẸ JOB 31:33

ọ da dianẹ mi si ogbeku mẹ nu kẹ ihwo, ri mi de si orukuruku mẹ nu vwẹ agada mẹ,

Isẹ 19:3

Oke rẹ ohwo da vwẹ ughenghẹn rẹ obọ rọye yan chọ nu, kọ mu ophu kpahe Ọrovwohwo.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

1 Samuẹl 15:15

Sọl da ta, E mu ayen mie ihwo rẹ Amalẹk rhe; kidie ihwo na yan jẹ i ri me yovwi vwẹ igodẹ na kugbe irhuẹn na vwọ, re a vwẹ ayen ze izobo kẹ Ọrovwohwo Ọghẹnẹ wẹn i ri chekọ avwanre da guọghọ ayen tototo.