Jẹnẹsis 28:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 28:3 ပူးပေါင်းရင်းမြစ်များ

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 24:60

Ayen da nẹ ẹrhovwo kẹ Rebeka tanẹ, Oniọvo rẹ avwanre, gba dia oni rẹ emọ uriori asako uriori ihwe, rere uvwiẹ wẹn vwẹ anurhoro rẹ ivwighrẹ rayen vwọ riuku.

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 27:33

Etiyin Aizik kọ phariẹ guegue, ọ da ta, Kono ri hwe eranvwe ro de muo rhe vwe, Me rerọ ejobi nu tavwe wọ ke rhe, Me je vwẹ ẹrhovwo kẹ nureọ? uyota ke bruphihọ kẹ.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 41:52

Odẹ rẹ ọrivẹ o de se Ifrem, Kidie Ọghẹnẹ ru vwe phihọ ọmiọvwọ vwẹ otọ rẹ ukpokpogho mẹ.

Jẹnẹsis 43:14

E jẹn Ọghẹnẹ ro vwo Ẹgba kẹ ovwan aruẹdọn vwẹ obaro rẹ ohwo na, rere o siobọ nẹ ọmọsẹ wẹn ro chekọ vi Bẹnjamin rhe. Ọ da dianẹ emu ru emọ Me nana ivẹ na, ye okpemu ri ru vwe.

Jẹnẹsis 48:3

Jekọp da ta ki Josẹf, Ọghẹnẹ ro vwo Ẹgba vwẹ oma phia kẹ vwẹ vwi Luz vwẹ otọ ri Kenan o da nẹ ẹrhovwo kẹ vwẹ,

Jẹnẹsis 48:4

ọ da ta kẹ vwẹ, Nighe, mi ru we ogbaọmiovwọ, ki mi ru we bu, ki mi ru we urogho rẹ ihwo, ke Me vwẹ otọ na kẹ uvwiẹ wẹn rọ cha vwẹ obuko wẹ re ọ dia ẹkẹn rayen bẹdẹ.

Jẹnẹsis 49:25

vwẹ obọ rẹ Ọghẹnẹ rẹ ọsẹ wẹn rọ cha wẹ uko, vwẹ obo rẹ Ọghẹnẹ ro vwo Ẹgba ko bruphihọ kẹ wẹ rọ kẹ wẹ ebruphihọ rẹ odjuvwu, ebruphihọ rẹ urhie rọ nọhọ otọ, ebruphihọ re evie kugbe eyenre.

Jẹnẹsis 9:1

Ọghẹnẹ de bruphihọ kẹ Noa vẹ emọ rọye, ọ da ta kẹ ayen, We vwiẹ ri we bu phihọ, ru wa vọn akpọ na.

Une rẹ Ejiro 127:1

Jokpa nẹ Ọrovwohwo na bọn uwevwi na-a, yẹ otu re bọnrọ ruiruo kufia. Jokpa nẹ Ọrovwohwo rhẹrẹ orere na, yẹ ọrherotọ rhẹrẹ kufia.

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Ẹyano 1:7

Ẹkẹvuọvo emọ rẹ Izrẹl de vwiẹ i de bu phiyọ; ayen da rho phiyọ, ayen de reghe asan na eje, ayen da vọn otọ na.

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Ẹvwọphia 21:22

Me mrẹ uwevwi rẹ ẹga vwẹ evun rẹ orere na-a, kidie uwevwi rẹ ẹga rọ herọ ọye hẹ Ọrovwohwo Ọghẹnẹ Ọrovwoẹgba kugbe Omogodẹ na.

Rutu 2:4

Nighe, Boaz de nẹ Bẹtlẹhẹm rhe, ọ da ta kẹ otu re kọrọ eka na, Ọrovwohwo nene ovwan dia! Ayen da kpahe kẹ, Ọrovwohwo bruphiho kẹ wẹ