Jẹnẹsis 27:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Kẹ ọke nana yanran oma ri Jekọp ko tuẹ Isọ fiki rẹ ẹrhovwo rẹ ọsẹ rọye nẹ kẹ, Isọ da ta kẹ omoma rọye, Ẹdẹ rẹ ughwu ri Baba kẹrire, ke Me teye oniọvo mẹ na Jekọp hwe.

Jẹnẹsis 27:41 ပူးပေါင်းရင်းမြစ်များ

Jẹnẹsis 27:42

Ẹkẹvuọvo eta rẹ Isọ na rẹ ọmọkpako rọye na e de rhi gbe ayen kẹ Rebeka; o de ji ohwo re se Jekọp rẹ omotete rọye na, ọ da vuẹ nẹ, Nighe, Isọ rẹ oniọvo wẹn ọ rọ jẹn iroro ro vwo hwe we, ọke o di nẹ na.

Jẹnẹsis 32:11

Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ.

Jẹnẹsis 32:3

Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm,

Jẹnẹsis 32:6

Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire.

Jẹnẹsis 35:29

Aizik de phi ẹnwẹn họ, o de ghwu e de sho kugbe esẹ rọye ọ ghworo hẹrẹ hẹrẹ; emọ rọye Isọ kugbe Jekọp de sho.

Jẹnẹsis 37:18

Ayen da kparo mrẹ vwẹ ogboko, ro ji te ayen omaa na, ayen da ghwa jẹn iroro kpahọ obo rẹ ayen ru hwe.

Jẹnẹsis 37:4

Ẹkẹvuọvo rẹ imoni rọye ri chekọ vwọ mrẹ nẹ ivun rọye re ma vwerhe ọsẹ rayen, oma rọye ko tun ayen, ayen ke ta ota iphriphri kẹ.

Jẹnẹsis 37:8

Imoni rọye da ta kẹ nẹ, Vwẹ ọ rẹ uyota na ko wẹ ri che sun avwanre? Eyẹ ko wẹ re cha re ovie vwẹ enu rẹ avwanre? Oma rọye de tun ayen phihọ fiki rẹ evwerhẹ rọye kugbe fiki rẹ eta rọye.

Jẹnẹsis 50:15

Ọke rẹ emesẹ ri Josẹf vwọ mrẹ nẹ ọsẹ rayen ghwure, ayen da ta, Ọke ọvo evun rẹ avwanre Me rhoma ri miovwo Josẹf, ọ Me rhe hwosa rẹ imwemwu ri Me ruro kẹ avwanre.

Jẹnẹsis 50:2

Josẹf da kẹ idibo rọye rẹ ẹbo nẹ ayen vwẹ umwu pharọ orivwi rẹ ọsẹ rọye Ọtiọye na ẹbo na da pharọ orivwi rẹ Izrẹl,

2 Ikun rẹ Ivie 35:24

Etiyin idibo rọye de muo nẹ ekpẹrẹ rẹ ofovwi rọye ayen de muo phihọ ọrivẹ ayen da gua kpo Jerusalẹm. O de ghwu, e de sho phihọ ishi rẹ esẹ rọye. Juda ejobi kugbe Jerusalẹm de vwere Josaya.

Une rẹ Ejiro 142:3

Ọke re erhi mẹ de sherua, wọwẹ re riẹn idjerhe mẹ! Vwẹ evun rẹ idjerhe re me wan na ayen kpahe ufi hẹrhẹ ovwẹ vwọ.

Une rẹ Ejiro 35:14

kerẹsiẹ rẹ ivun e de miovwo uvwe vwọ kẹ ugbeyan eyẹ oniọvo mẹ, Mi muẹ yan kerẹ ohwo rọ viẹ oni rọye, gbe uyovwi otọ vwẹ uvweri.

Une rẹ Ejiro 37:16

Emerha rẹ evwata vwori yoma nọ efe buebu re oruimwemwu vwori

Isẹ 1:16

kidie awọ rayen djẹ onẹ rẹ umwemwu, ayen bru okpakpa re sun ọbara

Isẹ 18:19

Ukoecha ra vwọ kẹ oniọvọ ọ họhọ orere ọgangan, ẹkẹvuọvo ẹghwọ họhọ ogbẹn ra vwọ kanrẹ ighẹn.

Isẹ 6:14

ọ vwẹ udu roro iroro umwemwu, kọke kọke ọ vwọ kọn ibi rẹ ozighi,

Aghwoghwo 7:9

Wọ fobọ mu ophu-u kidie udu rẹ ẹkpa ọye ophu dia.

Izikiẹl 35:5

Fikiridie wọ rhanre egbrẹ rẹ awanre phihọ evun, wọ da vwẹ ihwo rẹ Izrẹl kẹ ogangan rẹ ọlọkọ vwẹ ọke rẹ okpetu rayen, vwẹ ọke rẹ ehwe rayen rọ ka oba;

Urhi Rivẹ 34:8

Ọye ihwo rẹ Izrẹl da viẹ Mosis ẹdẹ ọgban vwẹ uphẹphẹ ri Moab; kọye ẹdẹ rẹ oviẹ vẹ uvweri ri Mosis ki rhi re.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.