Jẹnẹsis 27:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O da ta, Nighe, Me ghwore; Me riẹn ẹdẹ rẹ ughwu mẹ-ẹ.

Jẹnẹsis 27:2 ပူးပေါင်းရင်းမြစ်များ

Jẹnẹsis 27:3

Vwẹ enẹna, gba reyọ ekuakua wẹn, ekpo rẹ edada wẹn, kugbe umurhabọ wẹn, ru wo kpo aghwa, ra bẹre ibefi ru wo hwe eranvwe rhe vwe,

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

Jẹnẹsis 48:21

Etiyin Izrẹl da ta ki Josẹf, Nighe, mi muegbe rẹ ughwu re, ẹkẹvuọvo Ọghẹnẹ nene uwe dia, rọ je vwo wẹ rhivwi rhi te otọ rẹ esẹ wẹn.

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Aizaya 38:1

Vwẹ ọke yena Hẹzikaya kọ mwọga ko muegbe re ughwu. Aizaya rẹ ọmraro na ọmọ ri Amọz de bro rhe, ọ da ta kẹ, Enẹ Ọrovwohwo tare: Rhuẹrẹ uwevwi wẹn phihọ, kidie wo che ghwu, wọ cha sa rhọ-ọ?

Aizaya 38:3

ọ da ta, Asakiephana karophihọ, E Ọrovwohwo, me re wẹ, obo me nabọ vwẹ oma kpotọ ncne uwe vẹ udu mẹ ejobi, mi de ru obo ri yoma vwẹ obaro wẹn Hẹzikaya da viẹ gangan.

Iyẹnrẹ Esiri ri Mak 13:35

Vwẹ ọtiọye na ovwan rhẹrẹ; kidie ovwan riẹn ọke rẹ ọ ro vwo uwevwi na vwo rhe-e, sẹ ovwọnvwọn, gbenẹ uherevie ason, gbenẹ ọke rẹ ọhọ de bo, eyẹ urhiọke;

Jems 4:14

Wọ riẹn obo re cha phia vwẹ odẹ rọ cha na? Die arhọ wẹn epha vwo? Kidie ovwan họhọ iphughẹ, rọ vwẹ oma phia emerha, ọ me ranvwiẹ kufia.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.