Jẹnẹsis 22:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Jẹnẹsis 22:9 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 12:8

O de vrẹn nẹ Etiyin vwo kpo enu rẹ ugbenu rọ obọrhe ri Bẹtẹl, ọ da bọn utughẹ rọye, yi Bẹtẹl obọhwere, Ai da rha obọrhe; Etiyin ọ da so agbada kẹ Ọrovwohwo o de se odẹ rẹ Ọrovwohwo na.

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

Jẹnẹsis 22:10

Etiyin Ebraham da kpare obọ, ọ da reyọ aphia ro che vwo bru ọmọ rọye na.

Jẹnẹsis 22:8

Ebraham da ta, Ọghẹnẹ ọvo che bibi egbo rẹ izobo rẹ ẹtorhẹ na rhe ọmọ mẹ. Kọye ayen ivẹ na de ku usun họ.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

1 Ivie 18:33

Ọ da rhuẹrẹ irhe na phihọ, ọ da nyavwe erhuẹn na ibribro ọ da ghwẹ kpahe enu rẹ irhe na. Ọ da ta, Vo ame vọn echẹ na, re kuo ku izobo rẹ ẹtorhẹ na, ji kugbe irhe na.

Une rẹ Ejiro 118:27

Ọrovwohwo na ọye Ọghẹnẹ, ọye re kẹ avwanre orẹmrẹ. Gba ewanvwe mu usun re orẹ na, re te ighoro rẹ agbada na!

Matiu 27:2

Ayen da gba, ayen de suo yanran kpo asan ri Pailet oguẹdjọ na.

Iyẹnrẹ Esiri ri Mak 15:1

Rẹ urhiọke ghwe vwo te ilori rẹ irherẹn kugbe ekpako vẹ isiẹbe kugbe ediaguare na da ghwa jẹ iroro kugbe, ayen da gba Jesu, ayen de suo yanran vwo rhe Pailet.

Iruo rẹ Iyinkọn na 8:32

Asakiephana ọbe ọfuanfon ro se na kọna. Kerẹ ogodẹ re suẹn re hwe eyẹ omogode ro diunu vwẹ obaro rẹ ohwo rọ vwọrọ ẹto rọye, ọtiọye o che rhie unu rọye-e.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

Jems 2:21

Ọ dia iruo rẹ Ebraham ruru e vwo se ọvwata, rọ vwọ reyọ Aizik ọmọ rọye vwo ze izobo vwẹ enu rẹ agbada?

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.