Jẹnẹsis 22:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ebraham da ta, Ọghẹnẹ ọvo che bibi egbo rẹ izobo rẹ ẹtorhẹ na rhe ọmọ mẹ. Kọye ayen ivẹ na de ku usun họ.

Jẹnẹsis 22:8 ပူးပေါင်းရင်းမြစ်များ

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.

Jẹnẹsis 22:14

Kọye Ebraham de se odẹ rẹ asan na Ọrovwohwo re sa kẹ: eriyin ọ epha rhi te nonẹ na, Vwẹ enu rẹ ugbenu rẹ Ọrovwohwo Etiyin a da mrẹ.

Jẹnẹsis 22:7

Aizik da ta kẹ Ebraham rẹ ọsẹ rọye, Ọsẹ mẹ; O de nyo nẹ, Mẹvwẹ na mọmẹ, Ọ da ta, Nighe, erhanre kugbe irhe, ẹkẹvuọvo kẹ egbo rẹ izobo rẹ ẹtorhẹ na kẹ ọrhọ?

Jẹnẹsis 22:9

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Ivie rẹ Ivẹ 2:6

Etiyin Ilaija da rha ta kẹ nẹ, Hẹrhẹ vwẹ etinẹ, Me rẹ wẹ; fikiridie Ọrovwohwo ji uvwe kpo Jọdan. Ẹkẹvuọvo ọ da ta nẹ, Kirobo rẹ Ọrovwohwo herọ na, arhọ wẹn ke je herọ na, Me cha yan ji uwe vwo-o. Kọye ayen ivẹ, de ku usun phihọ.

2 Ikun rẹ Ivie 25:9

Amazaya da ta kẹ ohwo rẹ Ọghẹnẹ na, Ẹkẹvuọvo komavọ mi ru talẹnt ujori re Me vwọ kẹ unuofovwi rẹ Izrei na? Ohwo rẹ Ọghẹnẹ na da kpahe, Ọrovwohwo sa kẹ wẹ bu nọ tiọna.

Matiu 19:26

Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 1:36

ọ da mrẹ Jesu rọ wan vrẹn, ọ da ta, Nighe, Omogegede rẹ Ọghẹnẹ na!

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 5:12

re ta vẹ urhuru ọgangan nẹ, Omogodẹ re hweri na ọye fori, rọ reyọ ogangan kugbe efe kugbe aghwanre kugbe ẹgba kugbe ọghọ kugbe urinrin kugbe ebruba!

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.