Jẹnẹsis 22:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Aizik da ta kẹ Ebraham rẹ ọsẹ rọye, Ọsẹ mẹ; O de nyo nẹ, Mẹvwẹ na mọmẹ, Ọ da ta, Nighe, erhanre kugbe irhe, ẹkẹvuọvo kẹ egbo rẹ izobo rẹ ẹtorhẹ na kẹ ọrhọ?

Jẹnẹsis 22:7 ပူးပေါင်းရင်းမြစ်များ

Jẹnẹsis 22:8

Ebraham da ta, Ọghẹnẹ ọvo che bibi egbo rẹ izobo rẹ ẹtorhẹ na rhe ọmọ mẹ. Kọye ayen ivẹ na de ku usun họ.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

Ẹyano 12:3

Ta kẹ ukoko rẹ Izrẹl ejobi nẹ ẹdẹ rihwẹ rẹ emeranvwe nana ohwo ọvuọvo kọ reyọ ogodẹ kirobo rẹ iwevwi rẹ esẹ rayen epha, ogodẹ ọvo unuwevwi ọvo;

Ẹyano 29:38

Asakiephana ọnana kọye obo ru wo ze vwẹ enu rẹ agbada na: upene rẹ ogodẹ ivẹ rẹ ẹgbukpe ọvo kẹdẹ kẹdẹ.

Matiu 26:39

Ọ da yan hẹ ọbaro emerha, o de she diguẹ, ọ da nẹ ẹrhovwo ta nẹ, E Ọsẹ mẹ, ọ da dia ẹrhọvwọ wẹn, jẹn uko nana wan vrẹn vwẹ; ẹkẹvuọvo ọ dia ẹguọnọ mẹ-ẹ, ru ẹguọnọ wẹn.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 1:36

ọ da mrẹ Jesu rọ wan vrẹn, ọ da ta, Nighe, Omogegede rẹ Ọghẹnẹ na!

Iyẹnrẹ Esiri ri Jọn 18:11

Jesu da ta kẹ Pita, Dje ọlọkọ wẹn vwọ hẹ ako rọye; Me rha da uko rẹ Ọsẹ mẹ vwọ kẹ vwẹ na?

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.