Jẹnẹsis 22:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ ẹdẹ rẹ erha Ebraham da kparo ọ da mrẹ asan na vwẹ ogboko.

Jẹnẹsis 22:4 ပူးပေါင်းရင်းမြစ်များ

Jẹnẹsis 22:3

Etiyin Ebraham de vrẹn vwẹ irhiọke ride, ọ da jẹn ufi phihọ ekẹtẹkẹtẹ rọye, ọ da reyọ emeshare rọye ivẹ vwọ boma, kugbe ọmọ rọye Aizik, o de kru ekrirhe re ze izobo rẹ ẹtorhẹ na, o de vrẹn vwo kpo asan rẹ Ọghẹnẹ dje kẹ na.

Jẹnẹsis 22:5

Etiyin Ebraham da ta kẹ emeshare rọye na, We mudia etinẹ kẹrẹ ekẹtẹkẹtẹ na, mẹvwẹ vẹ ọmọ na ke yanran kpo oboyi kpo ẹga rere avwanre ki rhivwi bru ovwan rhe.

Ivie rẹ Ivẹ 20:5

Rhivwi yanran wọ ta kẹ Hẹzikaya, ovie rẹ ihwo mẹ, Enẹ Ọrovwohwo, Ọghẹnẹ ri Devid ọsẹ wẹn tare. Mi nyo orẹ wẹn, Mi nyo oviẹ wẹn, nighe, Mi che sivwi uwe; ẹdẹ rerha ku wo kpo uwevwi rẹ Ọrovwohwo.

Ẹsta 5:1

Vwẹ ẹdẹ rerha Ẹsta de ku iwun rẹ uvie rọye phihọ, o de mudia ọguan rọ hẹ obo ẹtan rẹ uwevwi rẹ ovie na, ro hirhe aro ku uvun rẹ ovie na. Yẹ ovie na tidia ekete rẹ uvie rọye vwẹ evun rẹ uwevwi na ro hirhe aro ku anurhoro rẹ uwevwi na.

Ẹyano 15:22

Etiyin Mosis de sun Izrẹl nẹ Abadi ọvwavware na kpo obaro, ayen de rhi te aton ri Shọ; ayen da yan ẹdẹ erha vwẹ evun rẹ aton na yẹ ayen mrẹ ame-e.

Ẹyano 19:11

wa choma vwẹ ẹdẹ rerha; kidie ẹdẹ rerha ye Ọrovwohwo ko che worọ rhe enu rẹ Ugbenu ri Sinae vwẹ irharo rẹ ihwo na ejobi.

Ẹyano 19:15

Ọ da ta kẹ ihwo na, Wa choma hẹrhẹ ẹdẹ rerha na, wo siẹ kẹrẹ aye-e.

Ẹyano 5:3

Etiyin ayen da ta, “Ọghẹnẹ rẹ ihwo rẹ Hibru ga na rhe vwẹ oma phia kẹ avwanre re. Biko jẹn avwanre kpo, me rẹ wẹ, oyan rẹ ẹdẹ erha kpo evun rẹ aton, re avwanre re ze izobo kẹ Ọrovwohwo Ọghẹnẹ rẹ avwanre; rere o je emiavwe e vwo mu avwanre, eyẹrẹ ọlọkọ e vwo hwe avwanre.”

Hosia 6:2

Ẹdẹ ivẹ da wan nu kọ rhọvwọ avwanre: ẹdẹ rerha kọ kpare avwame vrẹn, rere ma vwọ sa dia obaro rọye.

Livitikọs 7:17

ẹkẹvuọvo eranvwe rẹ izobo na de ji chekọ te ẹdẹ rẹ erha ka torhẹ kufia.

Ukeri 10:33

Etiyin ayen de mu oyan phihọ nẹ ugbenu rẹ Ọrovwohwo na, oyan rẹ ẹdẹ erha; ekpeti rẹ ọphọ rẹ Ọrovwohwo na, da ka obaro kẹ ayen vwẹ oyan rẹ ẹdẹ erha tavwe, ra guọnọ asan re de rovwoma ke ayen.

Ukeri 19:12

ọ me họ oma rọye vwẹ ẹdẹ rẹ erha kugbe ẹdẹ righwrẹn, tavwe rọ ke fọn; ekẹvuọvọ ọ rha họ oma rọye vwẹ ẹdẹ rerha kugbe ẹdẹ righwrẹ-en kọ dia vwi jẹfuọn.

Ukeri 19:19

ohwo rọ fonro na kọ sarọ ku ohwo ro jẹfuọn na vwẹ ẹdẹ rerha kugbe ẹdẹ righwrẹ na; vwẹ ẹdẹ righwrẹ na kọye ọ vwọ hwọrhẹ, kọ fọnrhọn emwa rọye ọ me rha vwẹ ame họ oma rọye, vwẹ ovwọnvwọn kọ fon.

Ukeri 31:19

Muerhọn phihọ otafe rẹ erhọn na ẹdẹ ighwrẹn; ọ ro hwe ohwo ejobi, ọ rọ vwẹ oma te orivwi ejobi, we ru oma rẹ ovwan fon vẹ ighuvwu ru we muru ejobi vwẹ ẹdẹ rẹ erha kugbe ẹdẹ rẹ ighwrẹn.

Matiu 17:23

Kẹ ayen che hwe, ẹdẹ rerha kọ rhoma vrẹn. Ọ da da ayen gangan.

Iyẹnrẹ Esiri ri Luk 13:32

Ọ da at kẹ ayen, Yanran ra ta kẹ urhirako yena, Nighe, me djẹ idẹbono mi sivwẹ nonẹ kugbe odẹ rọ cha, ẹdẹ rerha yẹ iruo mẹ reri.

1 Kọrẹnt 15:4

nẹ e shiro, nẹ o vrẹnushi vwẹ ẹdẹ rerha kirobo rẹ ọbe ọfuanfon na tarọ,

Joshua 1:11

Wan erhọn na vrẹn, re wo ji urhi kẹ ihwo na nẹ, Choma rẹ emuọre kpahe, kerẹ emu rẹ ẹdẹ erha ki nonẹ yanran ku wa cha wan Jọdan nana vrẹn, ra reyọ ughwẹ rẹ otọ na rẹ Ọrovwohwo Ọghẹnẹ wẹn vwọ kẹ wẹ na.

1 Samuẹl 26:13

Etiyin Devid da yanran kpo abọ rivẹ, o de tephe ke ayen vwẹ obenu rẹ ugbenu na, uvwre rode da uherevie rẹ ayen;