Jẹnẹsis 22:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ da ta, Reyọ ọmọ wẹn ọmọ wẹn ọvuọvo na Aizik, rẹ ivun rọye vwerha owẹ na, re wọ yanran kpo otọ ri Moriah, rẹ wọ dia Etiyin de vwo ze izobo rẹ ẹtorhẹ vwẹ enu rẹ ugbenu ọvo na ri mi che dje kẹ wẹ.

Jẹnẹsis 22:2 ပူးပေါင်းရင်းမြစ်များ

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 21:12

Ẹkẹvuọvo Ọghẹnẹ da ta kẹ Ebraham, Wo jẹ Ọnana tun we oma vwi fiki rẹ ọmọ na vẹ aye na rẹ ọviẹn na-a; obo ri Sera ta kẹ wẹ ejobi, ru kirobo rọ tare kidie oma rẹ Aizik ọye uvwiẹ wẹn de che vwo odẹ.

Jẹnẹsis 21:3

Ebraham de se odẹ rẹ ọmọ na re vwiẹ kẹ na, ri Sera vwiẹ kẹ na Aizik.

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

Jẹnẹsis 22:3

Etiyin Ebraham de vrẹn vwẹ irhiọke ride, ọ da jẹn ufi phihọ ekẹtẹkẹtẹ rọye, ọ da reyọ emeshare rọye ivẹ vwọ boma, kugbe ọmọ rọye Aizik, o de kru ekrirhe re ze izobo rẹ ẹtorhẹ na, o de vrẹn vwo kpo asan rẹ Ọghẹnẹ dje kẹ na.

Jẹnẹsis 22:9

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

Ivie rẹ Ivẹ 3:27

Etiyin ọ da reyọ owanran rọye ro che suẹn vwẹ ẹdia rọye, o de vwo ze izobo rẹ ẹtorhẹ vwẹ enu rẹ igbẹhẹ. Ophu de mu ihwo rẹ Izrẹl gangan.

2 Ikun rẹ Ivie 3:1

Etiyin Solomọn de mu uwevwi rẹ Ọrovwohwo phihọ ẹbọn vwi Jerusalẹm vwẹ Ugbenu ri Moria, asan rẹ Ọrovwohwo da vwẹ oma phia kẹ Devid rẹ ọsẹ rọye, vwẹ asan ri Devid djeri, vwẹ utuwevwi rẹ ewuye rẹ Ọnan ohwo ri Jebu.

Maika 6:7

Kẹ ivun rẹ egbo uriori sa vwerhe Ọrovwohwo, kugbe uriori ihwe rẹ urhie rẹ evwri? Ke Me vwẹ ọmọ ọkpako mẹ ze izobo fiki rẹ ogbeku mẹ, omamọ rẹ oma mẹ fiki rẹ umwemwu re erhi mẹ?

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Ọbe ri Pọl si rhe Ihwo ri Rom 5:8

Ẹkẹvuọvo Ọghẹnẹ dje ẹguọnọ rọye kẹ avwanre nẹ ọke rẹ avwanre vwọ hẹ iruimwemwu Kristi de rhi ghwu kẹ avwanre.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Hibru 11:17

Vwẹ esegbuyota, vwẹ ọke ra vwọ davwẹ Ebraham ni, ọ da vwẹ Aizik gọ iye, ohwo re ve ive na kẹ da choma rọ vwọ vwẹ ọmọ rọye ọvuọvo na gọ iye,

Iguẹdjọ 11:31

kemu kemu ro nẹ anurhoro rẹ uwevwi mẹ bru vwe rhe vwẹ ọke re me da cha vẹ ogangan re ephio kparobọ rẹ ofovwi rẹ ihwo rẹ Ammọn emu yena ke me vwọ kẹ Ọrovwohwo, ki mi vwo ze izobo rẹ ẹtorhẹ kẹ.

Iguẹdjọ 11:39

Oba rẹ emeranvwe ivẹ na vwo te nu, o de rhivwi bru ọsẹ rọye, o de vwo ru kerẹ ive ro veri ọmọtẹ na riẹn ọshare-e. Ọnana da rhe dia ekuruemu vwẹ Izrẹl