Jẹnẹsis 22:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvo amakashe rẹ Ọrovwohwo de se nẹ obo odjuvwu rhe, ọ da ta, Ebraham! Ebraham! O de nyo nẹ, Mẹvwẹ na.

Jẹnẹsis 22:11 ပူးပေါင်းရင်းမြစ်များ

Jẹnẹsis 16:7

Amakashe rẹ Ọrovwohwo da mrẹ vwẹ asan ogbugbu rẹ ame vwẹ evun rẹ aghwa, ogbugbu rọ orhoma rẹ idjerhe re de kpo Shur na.

Jẹnẹsis 21:17

Ọghẹnẹ de nyo oviẹ rẹ ọmọ na, Etiyin amakashe rẹ Ọghẹnẹ de se Hagar nẹ obo odjuvwu rhe, ọ da ta kẹ, Die ri kpokpo uwe, Hagar? Wọ djẹ oshọ-ọ, kidie Ọghẹnẹ nyo urhuru rẹ ọmọ na vwẹ asan rọ epha.

Jẹnẹsis 21:18

Vrẹn wọ kpare ọmọ na, ru wọ yọnrọn kokoroko vwẹ obọ wẹn, kidie mi che ruo phihọ ẹgborho rode

Jẹnẹsis 22:1

Rẹ imu nana ejobi vwọ wan nu Ọghẹnẹ da davwe Ebraham ni, ọ da ta kẹ, Ebraham; O de nyo nẹ, Mẹvwẹ na.

Jẹnẹsis 22:10

Etiyin Ebraham da kpare obọ, ọ da reyọ aphia ro che vwo bru ọmọ rọye na.

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Jẹnẹsis 31:11

Etiyin amakashe rẹ Ọghẹnẹ da ta kẹ vwẹ vwẹ evwerhẹ na, Jekọp, mi de nyo nẹ, Mẹvwẹ na.

Jẹnẹsis 37:13

Izrẹl da ta ki Josẹf, Ọ dia imoni wẹn re ghẹrẹ igodẹ vwi Shikẹm na? Mọ ri mi ji we bru ayen ra. Ọ da ta kẹ, Mẹvwẹ na.

Jẹnẹsis 46:2

Ọghẹnẹ da ta ota kẹ Izrẹl vwẹ evwerhẹ vwẹ ason, ọ da ta, Jekọp, Jekọp o de nyo nẹ, Mẹvwẹ na.

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

Ẹyano 3:2

amakashe rẹ Ọrovwohwo da vwẹ oma phia kẹ vwẹ evun rẹ erhanre vwẹ evun rẹ aghwa; o de ni, nighe, erhanre na la, jẹ aghwa na tuaa.

Ẹyano 3:4

Ọke rẹ Ọrovwohwo vwọ mrẹ nẹ o bi oma hẹ akakọ re o vwo nughe, Ọghẹnẹ de se nẹ evun rẹ aghwa na rhe, ọ da ta, “Mosis, Mosis,” ọ da ta, “Mẹvwẹ na.”

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Iruo rẹ Iyinkọn na 26:14

Rẹ avwanre ejobi vwo she teye otọ, mi de nyo urhuru rọ ta kẹ vwẹ vwẹ ephẹrẹ ri Hibru, Sọl, Sọl, die wo vwo kpokpo uvwe? Ọ miavwe owẹ ru wọ da vwẹ owo dje umwegba.

Iruo rẹ Iyinkọn na 9:4

O de she teye otọ o de nyo urhuru ọvo rọ ta kẹ, Sọl, Sọl, die sorọ wo vwo mu uvwe?

Iguẹdjọ 2:1

Asakiephana amakashe rẹ Ọrovwohwo da yanran nẹ Gilgal kpo obi Bokim. Ọ da tanẹ, Me reyọ ovwan nẹ Ijipt rhe, mi de phi ovwan phihọ evun rẹ otọ ri Mi ve phihọ kẹ esẹ rẹ ovwan. Me da tanẹ, Me gbe sa guọghọ ọphọ rẹ Me vẹ ovwan rere na-a,

1 Samuẹl 3:10

Ọrovwohwo da rhe rhi mudia, ro se kerẹ ọke ri jovwo, Samuel! Samuel! Samuẹl de nyo, Ta, kidie odibo wẹn nyo.

1 Samuẹl 3:4

Ọrovwohwo de se, Samuel; Samuel! o de nyo, Mẹvwẹ na,