Jẹnẹsis 21:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo Sera da mrẹ ọmọ ri Hagar rẹ ohwo rẹ Ijipt na, ro vwiẹ vwọ kẹ Ebraham na, rọ vẹ Aizik rẹ ọmọ rọye gba ha eha.

Jẹnẹsis 21:9 ပူးပေါင်းရင်းမြစ်များ

Jẹnẹsis 16:1

Vwẹ ọke nana Serai, aye rẹ Ebram na, ji vwiẹ ọmọ kẹ-ẹ. Yo vwo ọmọtẹ rẹ Ijipt ọvo ro gbe odibo kẹ rẹ odẹ rọye Hagar;

Jẹnẹsis 16:15

Hagar de vwiẹ ọmọshare kẹ Ebram, Ebram de se odẹ rẹ ọmọ na ri Hagar vwiẹ kẹ na Ishmael.

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 21:8

Ọmọ na da rhe rho, o de rhi bro evie; Ebraham de rhi chere emu buebu vwẹ ẹdẹ rẹ Aizik vwo bru evie nu.

2 Ikun rẹ Ivie 30:10

Etiyin ighwoghwo na de nẹ orere kpo orere vwẹ Ifrem vi Manasse, rhiri re te Zẹbulọn; ẹkẹvuọvo a da hwẹ ayen viẹ, a da vwẹ ayen jehwẹ.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

ỌBE RẸ JOB 30:1

Ẹkẹvuọvo asakiephana ayen ke vwẹ ovwẹ jehwẹ, ihwo re boba nọ vwẹ, ihwo re mia vwẹ esẹ rayen jehwẹ re de phi ayen ba erankọ rẹ uchuru mẹ.

Une rẹ Ejiro 22:6

Ẹkẹvuọvo mẹvwẹ ohori ghevweghe, me dia ohwo-o mẹvwẹ re ihwo mienu phihọ, rẹ ihwo ejobi jẹfia.

Une rẹ Ejiro 42:10

Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

Isẹ 20:11

Tobọ uruemu rẹ omotete ọvo ri dje phia, se obo ro ruẹ shephihọ eyẹ ọ chọre.

Isẹ 22:10

Djẹ ohwo ọghwia na phiho otafe, ẹghwọ kọ ro otafe, ekan ehanrhọn vẹ unuẹkọ ki fue.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Galesha 4:22

Kidie e siro nẹ Ebraham vwiẹ emọ ivẹ ọvo ọ rẹ ọviẹn ọrivẹ kẹ ọ rẹ emuvwiẹ.

Galesha 4:29

Ẹkẹvuọvo kirobo rọ hẹ epha vwẹ ọke yena, rọ re vwiẹri vwẹ ugboma na de mu kpahe ọ re vwiẹri vwẹ Erhi na, eriyin ọ je epha rhi te ọke na.

Hibru 11:36

A vwẹ evo jehwẹ a vwẹ ugbudia fa evo, a vwẹ igoni kanre evọ e mu evo phihọ uwodi.