Jẹnẹsis 21:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọrovwohwo de bru Sera rhe kirobo rọ ta kẹ jovwo, Ọrovwohwo de ru kẹ Sera kirobo ro vẹ kẹ.

Jẹnẹsis 21:1 ပူးပေါင်းရင်းမြစ်များ

Jẹnẹsis 17:16

Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 17:21

Ẹkẹvuọvo Aizik ọye ọphọ mẹ cha sẹ nene, ri Sera che vwiẹ kẹ vwẹ eghẹre ọtiọnana ukpe ọfa.

Jẹnẹsis 18:10

Ọ da ta, Uyota Me cha rhoma rhe vwẹ asan evwru, Sera rẹ aye wẹn na che vwiẹ ọmọshare. Yi Sera ra kerhọ vwẹ anurhoro rẹ utughẹ na

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.

Jẹnẹsis 24:36

Sera rẹ aye rẹ onini mẹ de rhi vwiẹ ọmọ kẹ vwẹ uyovwi esha na, ọmọ na kọye ọ ghwẹ efe rọye ejobi kẹ.

Jẹnẹsis 50:24

Josẹf da ta kẹ emesẹ rọye, Mi che ghwu reọ, ẹkẹvuọvo Ọghẹnẹ che bru ovwan rhe, rọ da reyọ ovwan nẹ otọ nana vwo kpo otọ re veri kẹ Ebraham, Aizik, kugbe Jekọp.

Ivie rẹ Ivẹ 4:17

Ẹkẹvuọvo aye na da mrevun, o de vwiẹ ọmọshare vwẹ oma rẹ ọke yena rọ kpahe ọke evwru, kirobo rẹ Ilaesha ta kẹ.

Une rẹ Ejiro 106:4

Karohọ ovwẹ, E Ọrovwohwo, vwẹ ọke wọ da vwẹ ẹro esiri vwo nẹ ihwo wẹn, cha vwẹ uko vwẹ ọke wo de sivwi ayen,

Une rẹ Ejiro 12:6

Iveve rẹ Ọrovwohwo na eye iveve re pha fuanfon, idọnọ efuanfon ra fare vwẹ otọ vwẹ evun re erhanre, re ru fon asieghwrẹ.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Ẹyano 3:16

Yanran ra ghwẹ ekpako rẹ Izrẹl na koko, re wọ ta kẹ ayen, Ọrovwohwo na, Ọghẹnẹ rẹ ọsẹ rẹ ovwan, Ọghẹnẹ rẹ Ebraham, ọ rẹ Aizik, vẹ ọ rẹ Jekọp, vwẹ oma phia kẹ vwẹ, tanẹ, me nabọ ni we mu vẹ obo rẹ e ruẹ uwe vwẹ Ijipt;

Ẹyano 4:31

Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Luk 1:68

Ebruba kẹ Ọrovwohwo Ọghẹnẹ rẹ Izrẹl; kidie o rhi ni ihwo rọye rọ tan hirhe,

Iyẹnrẹ Esiri ri Luk 19:44

ra da vwẹ owẹ ghwiotọ, wẹ kugbe emọ wẹn vwẹ evun wẹn, ayen che ji oragha re mu kpahe ohwohwo vwo vwẹ enu rẹ ọfa-a; fikiridie wọ riẹn ọke ro che vwo te we oma-a.

Galesha 4:23

Ẹkẹvuọvo, ọmọ rẹ ọviẹn nana e vwiẹrẹ vwẹ ọ rẹ ugboma, ọmọ rẹ omuvwiẹ na e vwiẹrẹ vwẹ ọ rẹ ive.

Galesha 4:28

Asakiephana, imoni, avwanre kerẹ Aizik, kẹ emọ rẹ ive.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Rutu 1:6

Etiyin aye na vẹ eya rẹ emọ rọye na vrẹnri kẹ ayen rhivwi nẹ otọ ri Moab kpo, kidie o nyori vwẹ otọ ri Moab obo rẹ Ọrovwohwo ra mrẹ ihwo rọye ọ da vwẹ emuọre kẹ ayen. Etiyin o de vrẹn nẹ asan rọ hẹ epha jovwo.

1 Samuẹl 1:19

Ayen vrẹnri vwẹ irhiọke ayen da ra ga Ọrovwohwo; ayen de rhivwi kpo uwevwi rayen vwi Ramah. Elkanah vẹ aye rọye da mroma, Ọrovwohwo da karophihọ;

1 Samuẹl 2:21

Ọrovwohwo de bru Hanah rhe, ọ da mrevun o de vwiẹ emeshare erha kugbe emetẹ ivẹ. Ọmọ re se Samuẹl da rhe rho vwẹ obaro rẹ Ọrovwohwo.