Jẹnẹsis 20:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin Abimẹlẹk de se Ebraham, ọ da ta kẹ, Die wo ru kẹ avwanre na? Kidie mi ru we, ru wọ vwọ nẹrhẹ ovwẹ vẹ uvie mẹ ru umwemwu rode tiọnana? Wo ru obo rẹ ohwo e ru-u vwọ kẹ vwẹ.

Jẹnẹsis 20:9 ပူးပေါင်းရင်းမြစ်များ

Jẹnẹsis 12:18

Etiyin Fero de se Ebram, ọ da ta, Ọnana die wo ru kẹ vwẹ na? Kidie wọ gbe ta kẹ vwẹ nẹ aye wẹ-ẹn?

Jẹnẹsis 20:10

Abimẹlẹk da ta kẹ Ebraham, Die wo rori vwo ru emu nana?

Jẹnẹsis 20:8

Kọye Abimẹlẹk de vrẹn vwẹ irhiọke ride, o de se idibo rọye, o de gbe ikun nana ejobi kẹ ayen, oshọ de mu ayen gangan.

Jẹnẹsis 26:10

Abimẹlẹk da ta, Ọna didi emu wo ru avwanre na? Ọ dianẹ kẹ ọvo vwẹ usu rẹ avwanre na vwẹ oma te, yọ nẹrhẹ avwanre riabe.

Jẹnẹsis 29:25

Vwẹ irhiọke, o vwo ni, ki Leah, Jekọp da ta kẹ Laban, Ọna didi emu wo ru kẹ vwẹ na? O dia fiki ri Rachel Me vwọ ga wẹ? Komavọ wọ rha vwọ phiẹn vwẹ?

Jẹnẹsis 34:7

Emọ ri Jekọp de nẹ ẹghwa rhe, rẹ ayen vwo nyo ota na; ivun de miovwo emọ na gangan, kidie o ru emu rẹ ẹkpa vwẹ Izrẹl ro vwo nene ọmọtẹ ri Jekọp mroma, kidie a mrẹ emu ọtiọye dẹvo-o.

Jẹnẹsis 38:24

Kirẹ emeranvwe erha ka rhe ta ki Juda nẹ, Tamar rẹ aye rẹ ọmọ wẹn gbe igberadja; kidie ọ wan igberadja na mrevun Juda da ta, Reyọ rhe rere a torhẹ hwe.

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

2 Samuẹl 12:5

Ophu de mu Devid gangan kpahe ọdafe na; ọ da ta kẹ Natan, Kirobo rẹ Ọrovwohwo herọ na, ohwo ro ru emu nana fo ughwu;

2 Samuẹl 13:12

Ọ da kpahe kẹ, Ẹjo, omoni mẹ, wọ gba vwẹ-ẹ, kidie a mrẹ emu ọtiọye vwẹ Izrẹl dẹvo-o, wo ru emu ugheghẹ nana-a.

Ẹyano 32:21

Etiyin Mosis da ta kẹ Erọn, Didi emu ihwo nana ru we re wọ vwọ rọye umwemwu rode nana vwo rhe ayen?

Ẹyano 32:35

Ọrovwohwo de ji ọtiekọ rhe ihwo na, fikiridie ayen duvwu ọmọ rẹ erhuẹn rẹ Erọn duvwuru na.

Isẹ 28:10

Ohwo ro sun ohwo esiri ghwru che she phihọ ọgọdọ rẹ ọye ọvo tọnre; ẹkẹvuọvo ohwo rọ rease ka gharọ ughwẹ esiri.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Ọbe ri Pọl si rhe Ihwo ri Rom 2:11

Kidie Ọghẹnẹ ghwẹ oma ho ẹbẹre ọvo jẹ ọvo vwo-o.

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Joshua 7:25

Etiyin Joshua da ta, Die wọ vwọ so okpetu kẹ avwanre? Ọrovwohwo na je so okpetu kẹ wẹ nonẹ na. Izrẹl ejobi da vwẹ ikpokpo phio hwe, ayen da vwẹ erhanre torhẹ ayen, ayen da vwẹ ikpokpo phi ayen hwe.