Jẹnẹsis 20:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Jẹnẹsis 20:7 ပူးပေါင်းရင်းမြစ်များ

Jẹnẹsis 12:15

Rẹ emọ rẹ ovie Fero, vwọ mrẹ, ayen de jiro ki Fero. A da reyọ aye na vwo rhe Fero.

Jẹnẹsis 12:17

Ọrovwohwo da vwẹ emiavwe mu Fero kugbe=uwevwi rọye ejobi fiki Serai aye rẹ Ebram.

Jẹnẹsis 2:17

ẹkẹvuọvo urhe rẹ erianriẹn rẹ erhuvwu vẹ umiovwo na wọ riọọ, kidie ẹdẹ re wọ rerọ ku wo ghwu.

Jẹnẹsis 20:18

Fikiridie Ọrovwohwo bru eya rẹ uwevwi rẹ Abimẹlẹk uvwiẹ fiki ri Sera rẹ aye rẹ Ebraham rọ reyọre.

Jẹnẹsis 20:3

Ẹkẹvuọvo Ọghẹnẹ de bru Abimẹlẹk rhe vwẹ evwerhẹ vwẹ ason, ọ da ta kẹ, Nighe, orivwi wọ epha na, fiki rẹ aye ru wọ reyọre na, kidie aye rẹ ohwo ọfa o ruẹ.

Jẹnẹsis 20:8

Kọye Abimẹlẹk de vrẹn vwẹ irhiọke ride, o de se idibo rọye, o de gbe ikun nana ejobi kẹ ayen, oshọ de mu ayen gangan.

Jẹnẹsis 23:6

Nyo avwanre, ọrovwavwanre; wẹ ọgba kugbe ovwiodje vwẹ ohri rẹ avwanre. Shi orivwi wẹn vwẹ ushi ro Me yovwi vwẹ ọgbọ na, ohwo rọ se kẹ wẹ herọ-ọ eyẹ ohwo sa kpọ wẹ unu-u.

2 Samuẹl 24:17

Etiyin Devid da ta kẹ Ọrovwohwo vwẹ ọke rọ vwọ mre amakashe ro hwe ihwo na, ọ da ta, Nighe mi ru imwemwu, mi ru imwemwu, mi ru o re brare gangan, ẹkẹvuọvo igodẹ nana, die ayen ruru? hwe vwe vẹ uwevwi rẹ ọsẹ mẹ Me rẹ wẹ.

1 Ivie 13:6

Ovie na da ta kẹ ohwo rẹ Ọghẹnẹ na, Gba rẹ Ọrovwohwo Ọghẹnẹ wẹn na kẹ vwẹ, re wọ nẹ ẹrhovwo kẹ vwẹ, rere obọ mẹ na vwo rhivwi kpo ẹdia. Ohwo rẹ ọfuanfon na da rẹ Ọrovwohwo; obọ rẹ ovie na de rhivwi kpo ẹdia, kirobo rọ epha jovwo.

Ivie rẹ Ivẹ 5:11

Ẹkẹvuọvo ophu de mu Neman, ọ da yanran, tanẹ, Nighe, mi rori nẹ ọ cha ro otafe bru vwe rhe, ri mudia, ko se odẹ rẹ Ọrovwohwo Ọghẹnẹ rọye, o mi kpogho obọ rọye phihọ asan na, ro de sivwi oti na.

1 Ikun rẹ Ivie 16:22

tanẹ, Wọ vwẹ obọ te ihwo re me vwẹ evwri ghworo-o wo ru emraro mẹ obo re brare-e!

2 Ikun rẹ Ivie 30:18

Kidie ihwo buebu na, buebu nẹ Ifrem rhe, Manasse, Issaka, kugbe Zẹbulọn, ji phorho oma rẹ aye-en, re ayen ke re ẹwanvrẹn na kirobo re djere-e. Kidie Hẹzikaya nẹ ẹrhovwo kẹ ayen, tanẹ, Ọrovwohwo re esiri na

ỌBE RẸ JOB 34:19

ohwo ro nẹ isun ẹro-o na, ro se edafe gbẹ ohwo nọ ivwiogbere-e na, kidie ayen ejobi iruo rẹ obọ rọye?

ỌBE RẸ JOB 42:8

Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Ẹyano 18:17

Ọgọ ri Mosis da ta kẹ, Obo wo ruẹ na yovwiri-i.

Ẹyano 4:16

Kọ dia ọtota wẹn vwọ kẹ ihwo na; ku wọ dia kerẹ Ọghẹnẹ vwọ kẹ rọ vuẹ obo rẹ cha ọta.

Ẹyano 7:1

Ọrovwohwo da kpahe kẹ Mosis, “Mi ru we kerẹ Ọghẹnẹ vwọ kẹ Fẹro, Erọn rẹ oniọvo wẹn kọ dia ọmraro wẹn.

Jerimaya 14:11

Ọrovwohwo da ta kẹvwẹ nẹ, Wọ rẹ kẹ erhuvwu rẹ ihwo nana-a.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 27:18

Ọ da dianẹ ayen kẹ emraro, ri vwo ota rẹ Ọrovwohwo na, gbe jẹn ayen rẹ Ọrovwohwo rẹ otuofovwi na, rere ekuakua re jovwo vwe uwevwi rẹ Ọrovwohwo na, vẹ uwevwi rẹ ovie ri Juda, kugbe Jerusalẹm na vwo jẹ Babilọn ẹra.

Izikiẹl 3:18

Ọ da dianẹ me ta kẹ oruimwemwu, Wo ghini ghwu, wo gbi rhe ghwoghwo kẹ-ẹ, eyẹ wọ gbe rha ta kẹ oruimwemwu ro jẹ idjerhe umwemwu rọye vwo-o, rere o sivwi arhọ rọye, oruimwemwu yena ko ghwu phihọ orukuruku rọye, ẹkẹvuọvo ọbara rọye ke me nọ ekpẹn rọye vwẹ obọ wẹn.

Izikiẹl 33:8

Ọ da dianẹ me ta kẹ ohwumwemwu, E ohwumwemwu na, wo ghine ghwu, wọ rha ta ota kẹ ohwumwemwu na rọ da rhẹriẹ nẹ idjerhe rọye-e, ohwumwemwu yena ko ghwu phihọ orukuruku rọye, ẹkẹvuọvo ke me nọ ekpẹn rẹ ọbara rọye vwẹ obọ wẹn.

Livitikọs 6:4

rẹ ohwo ro ru umwemwu tiọnana da re abe, kọ vwẹ emu ro chori na kpo adia rọ da reyọ, eyẹ obo rọ vwẹ oshenyẹ vwo na, eyẹ emu ra vwọ kẹ yọnre na, eyẹ obo ri ghwruru rọ mrẹ rhọrọ,

Livitikọs 6:7

Orherẹn na Me reyọ vwọ gọ iye rẹ arhuẹrẹ kẹ Ọrovwohwo re a vwọ gọ ẹgua no oma vwẹ obaro rẹ Ọrovwohwo, ke vwo ghovwo emu kemu rẹ ohwo ruẹ ọ Me re abe.

Iruo rẹ Iyinkọn na 8:24

Etiyin Saimọn da kpahe kẹ, Rẹ Ọrovwohwo kẹ vwẹ, rere emu wọ tare na vwo jẹ uvwe ebro cha.

1 Kọrẹnt 14:4

Ohwo rọ jẹ ephẹrẹ yono omobọ rọye, ẹkẹvuọvo ohwo rọ mraro ruẹ ishọshi gan.

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

1 Jọn 5:16

Ohwo da mrẹ oniọvo rọye ro ruẹ umwemwu ro fo ughwu-u, kọ nọ, Ọghẹnẹ kọ vwẹ arhọ rẹ ayen otu ri ru umwemwu ro fo ughwu-u vwọ kẹ ayen.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 7:5

Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.