Jẹnẹsis 20:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Ọghẹnẹ da ta kẹ vwẹ evun rẹ evwerhẹ, Uyota, Me riẹnre nẹ evun ọfuanfon wo vwo ru Ọnana, yẹ omẹvwẹ re sorọ ru wo vwo jẹ umwemwu eruo kpahọ ovwẹ, fiki rẹ ọtiọye na mi gbi ji wọ vwẹ obọ te-e.

Jẹnẹsis 20:6 ပူးပေါင်းရင်းမြစ်များ

Jẹnẹsis 20:18

Fikiridie Ọrovwohwo bru eya rẹ uwevwi rẹ Abimẹlẹk uvwiẹ fiki ri Sera rẹ aye rẹ Ebraham rọ reyọre.

Jẹnẹsis 26:11

Kọye Abimẹlẹk da kpa okpa kẹ ihwo rọye, tanẹ, Kohwo kohwo rọ vwẹ obo te aye rọye ko ghwu.

Jẹnẹsis 3:3

ẹkẹvuọvo Ọghẹnẹ tare nẹ, Wa ria emamọ rẹ urhe rọ uherevie rẹ udju na-a, eyẹ wa vwẹ obọ te-e, we de rhe ghwu.

Jẹnẹsis 31:24

Ẹkẹvuọvo Ọghẹnẹ de bru Laban ohwo rẹ Aram na rhe vwẹ evwerhẹ vwẹ ason, ọ da ta kẹ, Jomaotọ, wo biko kpahe ota ki Jekọp rẹẹ, oyovwiri eyẹ omiovwiri.

Jẹnẹsis 31:7

yẹ ẹkẹvuọvo ọsẹ wẹn ghwa vwẹ re o de wene osa mẹ asiehwe; yẹ Ọghẹnẹ rhọvwere nẹ ọwavwẹ oma-a.

Jẹnẹsis 35:5

Ọke rẹ ayen vwọ yan re, uguegue ro nẹ obọ rẹ Ọghẹnẹ rhe de rhi mu irere re riariẹ ayen phihọ, oshọ gbi jẹ ayen vwọ tua emọ ri Jekọp na-a.

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Une rẹ Ejiro 81:12

Ọtiọye mi de siobọ nẹ ayen kẹ udu ọgangan rayen, re ayen nene iroro rẹ udu rayen.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Ẹyano 34:24

Kidie me cha djẹ ẹgborho nẹ obaro wẹ, etiyin na ughwru wẹn kọ hẹre phihọ; ohwo ọvuọvo gbe cha guọnọ otọ wẹ-ẹn, vwẹ ọke wọ da ra vwẹ oma phia kẹ Ọrovwohwo Ọghẹnẹ wẹn asiarha ẹgbukpe.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Isẹ 6:29

Ọtiọye ohwo ro du aye rẹ ọrivẹ rọye epha, ohwo kohwo ro ru ọtiọye ejobi sa vabọ re ehwe-e.

Livitikọs 6:2

Ọ da dianẹ ohwo ọvo ru umwemwu rọ da chọ urhi rẹ esegbuyota rẹ Ọrovwohwo na rọ da phiẹn ọrivẹ rọye vwọ ghware vwẹ oma re emu kemu ra vwọ kẹ yọnre eyẹ igho re vwo bru osa re emu ra dẹre, eyẹ kẹ uji echo, eyẹ oshenyẹ rẹ ọrivẹ rọye,

Matiu 27:19

Ro vwo tidia vwẹ asan re de brorhiẹ, aye rọye de ji ohwo ra vuẹ nẹ, Wo brorhiẹ hwe ọvwata na-a; Kidie me vwerhẹ evwerhẹ kpahọ buebu vwẹ ason na.

1 Kọrẹnt 7:1

Asakiephana vwọ kpahe eta rẹ ovwan siri. O yoma re ọshare je obọ e vwo te aye.

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

2 Tẹsalonaika 2:11

Vwẹ ọtiọye na Ọghẹnẹ da vwẹ erhi rẹ ibeghe ọgangan kẹ ayen, rere ayen vwo se efian gbuyota.

2 Tẹsalonaika 2:7

Kidie igbunu rẹ onogbozighi na re ruẹ iruo vwẹ etinẹ na; ohwo ọvuọvo na kọye re de dajẹ rhi te ọke na bẹsiẹ re che vwo sio nẹ idjerhe na.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 25:34

Kidie uyota kirobo rẹ Ọrovwohwo Ọghẹnẹ rẹ Izrẹl herọ na, rọ djẹ vwẹ nẹ me wan wẹ oma-a, ru wo vwo bru okpakpa rhe vwa vwẹ, uyota bẹsiẹ rẹ ọke vwo rhie ọshare ọvo dede gbi chekọ ki Nabali-i.