Jẹnẹsis 20:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ebraham da ta kẹ Sera rẹ aye rọye, Wẹ oniọvo mẹ, Abimẹlẹk ovie ri Gẹra de ji ukọ ra reyọ Sera.

Jẹnẹsis 20:2 ပူးပေါင်းရင်းမြစ်များ

Jẹnẹsis 12:15

Rẹ emọ rẹ ovie Fero, vwọ mrẹ, ayen de jiro ki Fero. A da reyọ aye na vwo rhe Fero.

Jẹnẹsis 20:12

Uyota oniọvo mẹ o ghine ruẹ, ọmọtẹ rẹ ọsẹ mẹ ẹkẹvuọvo ọ dia ọmọ rẹ oni mẹ-ẹ, kọye mi de vwo ru aye.

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

Jẹnẹsis 26:1

Asakiephana owẹvwe de rhi fi vwẹ otọ na, rọ rho nọ owẹvwe ro firi vwẹ ọke rẹ Ebraham. Aizik de kpo Gẹra, bru Abimẹlẹk ovie ri Filistia.

Jẹnẹsis 26:16

Abimẹlẹk da ta kẹ Aizik, Kpo nẹ orho rẹ avwanre, kidie wọ goma nọ avwanre.

Jẹnẹsis 26:7

Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.

2 Ikun rẹ Ivie 19:2

Ẹkẹvuọvo Jehu ọmọ ri Hanani rẹ ọmrẹ na da yanran ra vwa, ọ da ta kẹ Ovie Jehoshafat, ku wọ cha ohwo-umwemwu uko rẹ ivun rẹ ihwo rẹ Ọrovwohwo tuoma da vwerhe owẹ? Fiki rẹ Ọnana, ophu wẹn ko mu Ọrovwohwo na.

2 Ikun rẹ Ivie 20:37

Etiyin Ẹliẹza ọmọ ri Dodavahu ọ ri Maresha da mraro kpahe Jehoshafat, tanẹ, fikiridie wo kuoma kugbe Ahazaya, Ọrovwohwo kọ guọghọ obo ru wo ruru ekọ na de shu i gbi se kpo Tarshish ọfa-a.

2 Ikun rẹ Ivie 32:31

Vwọ kpahe ota rẹ ihwo rẹ ovie ri Babilọn ji rhe, ne rhe guọnọ otọ rẹ oka rọ cha phia vwẹ otọ na, Ọghẹnẹ da yan jovwo kẹ oma rọye; rere ọ vwọ davwọ ni rọ vwọ riẹn obo re hẹ udu rọye.

Isẹ 24:16

kidie ọvwata she asiẹ ighwre ọ me rhoma vrẹn; ẹkẹvuọvo ukpokpogho ri gere oruimwemwu she.

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Isẹ 6:29

Ọtiọye ohwo ro du aye rẹ ọrivẹ rọye epha, ohwo kohwo ro ru ọtiọye ejobi sa vabọ re ehwe-e.

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Kolose 3:9

Wa vwọnrọn efian kẹ ohwohwo-o, kidie ovwan siobọ nẹ ohwo rẹ awanre na vẹ uruemu rọye ejobi nure.