Jẹnẹsis 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọrovwohwo Ọghẹnẹ de voro udju phihọ Idẹn vwẹ ẹbẹre rẹ ọnre da vacha, kẹ Etiyin o phi ohwo rọ mare na phihọ.

Jẹnẹsis 2:8 ပူးပေါင်းရင်းမြစ်များ

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Jẹnẹsis 3:23

Fiki rẹ ọtiọye na Ọrovwohwo Ọghẹnẹ da djẹ nẹ evun rẹ udju rẹ Idẹn na, nẹ o gbe re voro otọ ra reyerọ nurhe na.

Jẹnẹsis 3:24

Ọ da djẹ ohwo na ruẹ afe, vwẹ obọrhe rẹ udju rẹ Idẹn na, o de phi chẹrobim, ọ vẹ ọnọkọ rẹ erhanre rọ rhẹriẹ kpenẹ kpenẹ, rọ rhẹrẹ urhe rẹ arhọ na.

Jẹnẹsis 4:16

Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn

Ivie rẹ Ivẹ 19:12

Kẹ edjọ rẹ ẹgborho na sivwi ayen re, ẹgborho rẹ esẹ mẹ guọghọre na–Gozan, Heran, Rezef kugbe ihwo rẹ Idẹn ri Telesa?

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Izikiẹl 27:23

Haran, Kannẹh, Idẹn, Asshọr, kugbe Shilmad vẹ owẹ chueki.

Izikiẹl 28:13

Obo Idẹn wọ epha, udju rẹ Ọghẹnẹ na; oragha koragha ro yovwiri ejobi e vwo rhurhu we, kanelia, topaz, kugbe jasper, krisol, beril, kugbe onix, safaya, carbuncle, emerald; ra vwẹ oro ru ọye ẹghwẹphihọ o wẹn vẹ ona re bru phihọ owẹ. Vwẹ ẹdẹ ra ma wẹ na ọye a rhuẹrẹ ayen phihọ.

Izikiẹl 31:16

Ẹgborho na ejobi ki kpogho fiki rẹ eshe rọye, vwẹ ọke ri mi de che phio teye Erivwi kugbe ayen ihwo ri kpo obo Ukpotọ na; irhe ejobi re hẹ udju rẹ Idẹn, irhe ri me yovwi re ma ghare vwi Lẹbanọn, ayen ejobi re da ame, oma ko che fu ayen vwẹ akpọ rẹ obo erivwi na.

Izikiẹl 31:18

Kono wọ họhọre vwẹ etinẹ na vwẹ urinrin kugbe ọrho vwẹ ohri rẹ irhe rẹ Idẹn na? A cha vwẹ owe te otọ wọ vẹ irhe rẹ Idẹn na vwo kpo akpọ rivẹ, ku wo shevwerhẹ vwe ohri re upheruphe, vwo kugbe ihwo rẹ ọlọkọ hweri. Ọnana Fẹro kugbe urogho rọye ejobi, eriyin Ọrovwohwo Ọghẹnẹ tare.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.