Jẹnẹsis 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwẹ ọke rẹ okankọn vuọvo je djẹ vwẹ aghwa na eyẹ odi vuọvo je djẹ phiaa– kidie Ọrovwohwo Ọghẹnẹ je rhọ osio phihọ akpọ na-a, yẹ ohwo je dia ro voro otọ na-a;

Jẹnẹsis 2:5 ပူးပေါင်းရင်းမြစ်များ

Jẹnẹsis 2:6

ẹkẹvuọvo evwru kọye di muẹ nẹ otọ na kpenu ọ Me rhe kpọrhọ otọ na ejobi–

Jẹnẹsis 3:23

Fiki rẹ ọtiọye na Ọrovwohwo Ọghẹnẹ da djẹ nẹ evun rẹ udju rẹ Idẹn na, nẹ o gbe re voro otọ ra reyerọ nurhe na.

Jẹnẹsis 4:12

Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na.

Jẹnẹsis 4:2

Obọ rivẹ o de vwiẹ oniọvo rọye Ebẹl. Ebẹl na kẹ igodẹ ochurẹ, Ken otọ kọye o voro.

ỌBE RẸ JOB 5:10

ọye re rhọ osio phihọ akpọ na ọye re vwẹ ame ku aghwa na,

Une rẹ Ejiro 104:14

Wọwẹ re nẹrhẹ odi di vwọ ke uchuru na, kugbe irhe kẹ ohwo rọ kọn, rere ọ mrasan vwo emuọre nẹ otọ na rhe,

Une rẹ Ejiro 135:7

Ọye ri ruẹ egho na ro vwo mu vwẹ obo oba re otọ na, ro ru enuẹnyavwọ kẹ osio ọ da reyọ odju nẹ urhuẹn rọye rhe.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 10:13

Ọke ro de do ame ro obo odjivwu na ki kpogho, ọye je nẹrhẹ evwru muẹ nẹ abọ ọvo rẹ akpọ re te oba. Ọ ma agbrara fiki rẹ osio, ọye reyọ odju nẹ uwevwi rọye rhe.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Matiu 5:45

ke se ovwan emọ rẹ ọsẹ rọ hẹ ọbo odjuvwu, kidie uvo rọye muẹ ọbo vẹ ogbori, osio rọye hwe ọvwata vẹ oruimwemwu.

Hibru 6:7

Kidie otọ rọ da ame rẹ osio rọ rhọ phihọ, ro de yovwi emu kẹ otu ri voiro, ke mrẹ ebruphihọ nẹ obọ rẹ Ọghẹnẹ rhe.