Jẹnẹsis 2:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Te ọshare na ve aye rọye da ban phihọ, yẹ oma vo aye-en.

Jẹnẹsis 2:25 ပူးပေါင်းရင်းမြစ်များ

Jẹnẹsis 3:7

Kọye ẹro rayen ivẹ de rhie, ayen da riẹn nẹ ayen ban phihọ, ayen de ko ẹbe ri fig kugbe vwo ru amwa vwo rhuo oma rayen.

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Une rẹ Ejiro 31:17

Wọ jẹn oma vo vwẹ-ẹ, E Ọrovwohwo, kidie mi kperẹ se we; jẹn oma vo oruimwemwu, jẹn ayen diunu ghwu kpo Erivwi.

Ẹyano 32:25

Ọke rẹ Mosis vwọ mrẹ nẹ ihwo na ke vabọ (kidie Erọn nẹrhẹ ayen vabọ, rọ dia omaẹvuọ kẹ ayen vwẹ ohri rẹ ivwighrẹ rayen),

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 47:3

A cha mrẹ ẹba wẹn, omaevuo wẹn ka cha mrẹ Me cha reihri, mi ji ohwo ọvuọvo vwo-o.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Izikiẹl 16:61

Etiyin ku wọ karohọ idjerhe wẹn, oma kọ vo wẹ vwẹ ọke re me da reyọ iniọvo wẹn rẹ emetẹ, te re ekpako te rẹ imitete wẹn, me da vwẹ ayen ru emetẹ kẹ wẹ, ẹkẹvuọvo ọ dia fiki rẹ ọphọ re me vẹ owẹ rere-e.

Joẹl 2:26

Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Iyẹnrẹ Esiri ri Mak 8:38

Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.

Iyẹnrẹ Esiri ri Luk 9:26

Kidie ohwo kohwo rọ vo oma mẹ kugbe iyẹnrẹ esiri mẹ, Ọmọ rẹ ohwo kọ je vo oma rọye vwẹ ọke ro de te uvie rọye kugbe uvie rẹ Ọsẹ na kugbe emakashe efuanfon na.

Ọbe ri Pọl si rhe Ihwo ri Rom 10:11

Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.