Jẹnẹsis 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Kọye Ọrovwohwo Ọghẹnẹ da vwẹ ovwerhe rode vwo mu ohwo na, rọ vwọ vwerhẹ re ọ da reyọ ubiedada rọye ode ko di;

Jẹnẹsis 2:21 ပူးပေါင်းရင်းမြစ်များ

Jẹnẹsis 15:12

Rẹ ọnre vwo kpotọ re, ovwerhẹ rode de mu Ebram, o vwo ni, oshọ rode vẹ egho de rhi rhuro.

ỌBE RẸ JOB 33:15

Vwẹ evwerhẹn, vwẹ emramrẹ vwẹ ason, rẹ ovwerhẹn rode de mu ihwo, rẹ ayen da vwerhẹn vwẹ ehwa rayen,

ỌBE RẸ JOB 4:13

Vwẹ uherevie rẹ iroro rẹ evwerhẹ rẹ ason, rẹ okpovwerhẹ vwo mu ihwo,

Isẹ 19:15

Ọvwufeti vwerhẹ okpovwerhẹ rode, ohwo rọ ro uvwerhi owevwi hwe.

Daniẹl 8:18

Ọke rọ ghwa vwọ ta ota kẹ vwẹ na, mi de shero okpo ovwerhẹ rode, me da bọvwọn opharo rhuotọ, ẹkẹvuọvo ọ da vwẹ obọ te vwẹ, ọ da kpare ovwẹ vrẹn mudia.

1 Kọrẹnt 11:8

(Kidie a ma oshare nẹ oma rẹ aye rhe-e, ẹkẹvuọvo aye a ma nẹ oma rẹ ọshare rhe.

1 Samuẹl 26:12

Etiyin Devid da reyọ ubiri na kugbe ọtoto rẹ ame na rọ hẹ asan uyovwi rọye na; ayen da yanran. Ohwo ọvuọvo mrẹrẹ-ẹ, eyẹ a je riẹ-ẹn, eyẹ ohwo ọvuọvo rhọvwọre-e; kidie ayen ejobi herọ vwerhẹ, kidie ovwerhẹ okokodo ro nẹ obọ rẹ Ọrovwohwo rhe ayen.