Jẹnẹsis 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vwẹ ẹdẹ rẹ ighwrẹ iruo rẹ emama rẹ Ọghẹnẹ ruru ejobi de rhi re, o de rovwoma vwẹ ẹdẹ rẹ ighwrẹ na vwẹ enu rẹ iruo ro ruru.

Jẹnẹsis 2:2 ပူးပေါင်းရင်းမြစ်များ

Jẹnẹsis 1:31

Ọghẹnẹ da mrẹ emu kemu rọ mare na, nighe, oyovwiri gangan Te ovwọnvwọn te irhiọke da dia ẹdẹ resan.

Jẹnẹsis 2:3

Ọtiọye Ọghẹnẹ de bruphihọ ẹdẹ rẹ ighwrẹ na, ọ da vwẹ ọghọ kẹ, fikiridie ẹdẹ yena Ọghẹnẹ vwo rovwoma vwẹ enu rẹ iruo ro ruru vwẹ emama rọye.

Ẹyano 23:12

Ẹdẹ esan wo vwo ru iruo wẹn, ẹkẹvuọvo ẹdẹ righwrẹn ku wo rovwo oma; rere erhuẹn wẹn vẹ ekẹtẹkẹtẹ wẹn vwo rovwo oma, rere ọmọshare rẹ ọviẹn aye wẹn, vẹ ọrhorha wẹn vwọ mrẹ asan de ku ẹnwẹ.

Ẹyano 31:15

Ẹdẹ esan ọye we vwo ru iruo, ẹkẹvuọvo ẹdẹ righwrẹ na ọye hẹ ẹdidjala rẹ omaerovwo dẹn rọ fonro kẹ Ọrovwohwo, ohwo ro ru iruo vwẹ ẹdidjala na ke hwe ghwu.

Ẹyano 31:17

Ọyena kọ dia oka ri bẹdẹ rọ hẹ uvwre mẹ vẹ ihwo rẹ Izrẹl na tanẹ ẹdẹ esan ọye Ọrovwohwo vwọ ma odjuvwu vẹ akpọ, ẹdẹ rẹ ighwrẹn o de rovwoma, oma rọye da sasa.

Aizaya 58:13

Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Urhi Rivẹ 5:14

ẹkẹvuọvo ẹdẹ righwrẹ na ọye ẹdidjala rẹ Ọrovwohwo Ọghẹnẹ wẹn; wọ dia evun rọye ru iruo kiruo-o, wẹ te ọmọ wẹn rẹ ọshare, eyẹ ọmọ wẹn rẹ aye, eyẹ odibo wẹn rẹ ọshare eyẹ odibo wẹn rẹ aye, eyẹ erhuẹn wẹn, eyẹ ekẹtẹkẹtẹ wẹn, eyẹ uchuru wẹn, eyẹ ọrhorha ro wo uwevwi wẹn, wo jẹn ayen ru iruo ọvuọvo-o, te odibo wẹn rẹ ọshare, te odibo wẹn rẹ aye, te ekpuyovwi wẹn mi rovwoma.

Hibru 4:10

Kidie kohwo kohwo rọ sa ro omaerovwo rẹ Ọghẹnẹ na nu ko ji rovwoma nẹ iruo rọye kirobo rẹ Ọghẹnẹ ruru.

Hibru 4:4

Kidie ọ je ta vwẹ asan ọfa kpahẹ ẹdẹ righwrẹ na nẹ, Ọghẹnẹ de rovwoma vwẹ ẹdẹ righwrẹ na vwẹ enu rẹ iruo rọye ejobi.