Jẹnẹsis 2:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ ẹkẹvuọvo urhe rẹ erianriẹn rẹ erhuvwu vẹ umiovwo na wọ riọọ, kidie ẹdẹ re wọ rerọ ku wo ghwu.

Jẹnẹsis 2:17 ပူးပေါင်းရင်းမြစ်များ

Jẹnẹsis 2:9

Vwẹ evun rẹ otọ na kọye Ọrovwohwo Ọghẹnẹ tare nẹ urhe kurhe ro yovwiri, fẹro ji fẹriọ gba djẹrhe, urhe rẹ arhọ na rọ ji uherevie rẹ udju na, kugbe urhe rẹ erianriẹn rẹ erhuvwu vẹ umiovwo.

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Jẹnẹsis 3:11

O da ta, Ono ta kẹ wẹ nẹ wọ ban phihọ? Takpe wọ re omamọ rẹ urhe ri mi ji urhi kẹ wẹ nu wọ ria-a na?

Jẹnẹsis 3:17

Vwọ kẹ Adam ọ da tanẹ, Fikiridie wọ vwọ kerhọ rẹ aye wẹn, wo da re emamọ rẹ urhe na re Me djẹ wẹ nu wọ ria-a na, eka kọ dia kẹ otọ na fiki wẹn, vwẹ evun rẹ owian wọ ke sa re emu vwẹ ẹdẹ rẹ akpọ wẹn ejobi;

Jẹnẹsis 3:19

Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

1 Ivie 2:37

Kidie ẹdẹ ru wo vrẹn no, ru wọ da shariẹ uto ri Kidrọn vrẹn, gba riẹn dẹn nẹ ju wo ghwuru; Ọbara wẹn kọ dia uyovwi wẹn.

1 Ivie 2:42

Ovie de ji ikọn re se Shimẹi, ọ da ta kẹ, ọ dianẹ me ta nẹ vwẹ Ọrovwohwo duvwu iyori, mi de rhe bru we uche, nẹ, Riẹn dẹn nẹ ẹdẹ ru wo vrẹn ne etinẹ kpo asan kasan, ku wo ghwu? wọ da ta kẹ vwẹ nẹ mi ruo?

Jerimaya 26:8

Ri Jerimaya vwo ta obo rẹ Orovwohwo jiji kẹ ejobi nẹ ọ ta kẹ ihwo na ejobi nu, irherẹn na vẹ emraro kugbe ihwo na ejobi de muo, ta nẹ, Wo che ghwu.

Izikiẹl 18:13

o momo o mi suo, ọ me vwẹ igho buebu kpahọ, kọ sa rhọ? O sa rhọ-ọ. O ru emu rẹ ẹgua nana ejobi, ko ghwu dẹn, ọbara rọye kọ dia enu rọye.

Izikiẹl 18:32

Kidie mi vwo omavwerhovwẹ vwẹ oma rẹ ughwu rẹ ohwo ọvuọvo-o, eriyin Ọrovwohwo Ọghẹnẹ tare ọtiọye na gbe kurhẹriẹ rere wọ rhọ.

Izikiẹl 18:4

Nighe, erhi ejobi eme, erhi ro ru umwemwu ko ghwu.

Izikiẹl 33:14

Ọfa, owenẹ me ta kẹ ohwumwemwu, wo ghine ghwu, rọ da rha rhẹriẹ nẹ umwemwu rọye ro de ru obo re wan urhi vẹ obo re gbare,

Izikiẹl 33:8

Ọ da dianẹ me ta kẹ ohwumwemwu, E ohwumwemwu na, wo ghine ghwu, wọ rha ta ota kẹ ohwumwemwu na rọ da rhẹriẹ nẹ idjerhe rọye-e, ohwumwemwu yena ko ghwu phihọ orukuruku rọye, ẹkẹvuọvo ke me nọ ekpẹn rẹ ọbara rọye vwẹ obọ wẹn.

Ukeri 26:65

Kidie Ọrovwohwo ta kẹ ayen, Ayen che ghwu vwẹ aton na. Ohwo rẹ ayen ọvuọvo chekọ-ọ, jokpa ri Kalẹb ọmọ ri Jefunneh kugbe Joshua rẹ ọmọ ri Nọn.

Ọbe ri Pọl si rhe Ihwo ri Rom 1:32

Dede na yẹ ayen riẹn ekan rẹ Ọghẹnẹ harhẹ ihwo ri ru oghẹre rẹ imu tiọna na nẹ i fo ughwu na, yẹ ayen ghwe ruẹ ayen, ihwo efa ri ji ghwe ruẹ na ayen ghwe kuvwie nene ayen.

Ọbe ri Pọl si rhe Ihwo ri Rom 6:16

Ovwan rha riẹn nẹ ovwan ọviẹn rẹ ohwo rẹ ovwan reyọ oma rẹ ovwan vwo mu ọghọ kẹ, eyẹ ọ rẹ umwemwu, ro suẹ ohwo kpo ughwu, eyẹ ọ rẹ ọghọ, ro nẹrhẹ ohwo dia ọvwata?

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ọbe ri Pọl si rhe Ihwo ri Rom 8:2

Kidie urhi rẹ Erhi rẹ arhọ vwi Kristi Jesu rhe rhan vwẹ nẹ obọ rẹ urhi rẹ umwemwu vẹ ughwu.

1 Kọrẹnt 15:22

Kidie kirobo rẹ ihwo ejobi wan oma rẹ Adamu ghwu, ọtiọye rhe vwẹ oma ri Kristi ihwo ejobi ke cha rhọ.

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Urhi Rivẹ 27:26

Ekan kẹ ohwo ro ru eta rẹ urhi nana gan rọ da yọnrọn aye-en. Ihwo na ejobi Me kpahe tanẹ, Isẹ.

Urhi Rivẹ 30:15

Nighe, mi phihọ vwẹ obaro rẹ ovwan nonẹ na arhọ vẹ emuesiri, ughwu kugbe umiovwo.

Urhi Rivẹ 30:19

Mi se odjuvwu vẹ akpọ vwo se oseri hwe ovwan nonẹ na, nẹ mi phi arhọ vẹ ughwu, ebruba vẹ ekan phihọ obaro rẹ ovwan, vwẹ ọtiọye na jẹn arhọ, rere ovwan vẹ uvwiẹ rẹ ovwan mrasan rhọ,

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

1 Timoti 5:6

yẹ ọ rọ vọnre vẹ unuavwerhe yo ghwu rhẹrhẹ dede na yọ de yan.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

1 Jọn 5:16

Ohwo da mrẹ oniọvo rọye ro ruẹ umwemwu ro fo ughwu-u, kọ nọ, Ọghẹnẹ kọ vwẹ arhọ rẹ ayen otu ri ru umwemwu ro fo ughwu-u vwọ kẹ ayen.

Ẹvwọphia 2:11

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ọ rha cha mrẹ odjadja rẹ ughwu rivẹ-ẹ.

Ẹvwọphia 20:14

Etiyin a da kpare Ughwu kugbe Erivwi phihọ ẹtẹrhe rẹ erhanre na. Ọnana hẹ ughwu rivẹ, ẹtẹrhe rẹ erhanre na;

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Iguẹdjọ 3:2

rere uvwiẹ ejobi rẹ ihwo rẹ Izrẹl sa vwọ riẹn obo re phi ofovwi, rere ọ mrẹ vwọ yono ihwo re riẹn obo re phi ofovwi-i.

1 Samuẹl 14:39

Kidie obo rẹ Ọrovwohwo herọ ro sivwẹ Izrẹl na, owenẹ ọ dia oma ri Jonatan rẹ ọmọ me na, ko ghwu phihọ. Ẹkẹvuọvo o vwo ohwo ọvuọvo vwẹ ohri re ihwo na rọ kpahe kẹ-ẹ.

1 Samuẹl 14:44

Sọl da ta, Ọghẹnẹ ru ọtiọye kẹ vwẹ ọ rọ tobọ rhonọ ọtiọye rhe; wo je ghwo-o Jonatan.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.

1 Samuẹl 22:16

Ovie da ta, Wọ ghwu họ, Ahimẹlẹk, wẹ kugbe uwevwi rẹ ọsẹ wẹn ejobi.