Jẹnẹsis 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kẹnẹ a ma odjuvwu vẹ akpọ kugbe obo re vọnrọ ejobi wan.

Jẹnẹsis 2:1 ပူးပေါင်းရင်းမြစ်များ

Jẹnẹsis 1:1

Nẹ otọ rhe Ọghẹnẹ vwọ ma odjuvwu vẹ akpọ.

Jẹnẹsis 1:10

Ọghẹnẹ se otọ ọyaya na Otọ, ame rọ rha ghwe koko asan ọvo na o de rhe se Urhie, Ọghẹnẹ da mrẹ ne oyoma.

Jẹnẹsis 2:4

Enana keye uvwiẹ rẹ odjuvwu vẹ akpọ vwẹ ọke ra vwọ ma ayen. Vwẹ ẹdẹ rẹ Ọrovwohwo Ọghẹnẹ vwọ ma akpọ vẹ odjuvwu nu,

Ivie rẹ Ivẹ 19:15

Hẹzikaya da nẹ ẹrhovwo vwẹ obaro rẹ Ọrovwohwo na, ọ da ta, E Ọrovwohwo Ọghẹnẹ rẹ Izrẹl,– tidia ekete vwẹ ohri rẹ chẹrobim, Wọwẹ ọvo ọye Ọghẹnẹ rẹ ivie rẹ akpo na ejobi; We re ma odjuvwu vẹ akpo.

2 Ikun rẹ Ivie 2:12

Huram da rhoma ta, Ebruba kẹ Ọrovwohwo Ọghẹnẹ rẹ Izrẹl, rọ ma odjuvwu vẹ akpọ, rọ vwẹ ọmọ rọ ghwanre vwọ kẹ Ovie Devid ro vwo erhi rẹ evughe vẹ ẹruọ, rọ sa bọn uwevwi kẹ Ọrovwohwo, kugbe uwevwi rẹ ovie kẹ oma rọye.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

ỌBE RẸ JOB 12:9

Ono vwẹ ohri rẹ enana ri jẹ riẹn nẹ obọ rẹ Ọrovwohwo ri ru ọnana?

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Une rẹ Ejiro 146:6

rọ ma odjuvwu vẹ akpọ, abadi na, kugbe obo re dia evun rẹ ayen ejobi, rọ yọnrọn esegbuyota rọye bẹdẹ;

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Une rẹ Ejiro 33:9

Kidie ọ tanu, ọ da ghwa dia ọtiọye, o ji urhi nu, o de mudia kokoroko.

Ẹyano 20:11

kidie ẹdẹ esan ye Ọrovwohwo vwọ ma odjivwu vẹ akpọ, abadi na vẹ imu rehẹ evun rẹ ayen ejobi, o de rovwoma vwẹ ẹdẹ righwrẹ na, fiki rẹ ọtiọye na Ọrovwohwo de bruphihọ edidjala na o de ruo fon.

Ẹyano 31:17

Ọyena kọ dia oka ri bẹdẹ rọ hẹ uvwre mẹ vẹ ihwo rẹ Izrẹl na tanẹ ẹdẹ esan ọye Ọrovwohwo vwọ ma odjuvwu vẹ akpọ, ẹdẹ rẹ ighwrẹn o de rovwoma, oma rọye da sasa.

Aizaya 34:4

Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 55:9

Kidie kirobo rẹ odjuvwu kpenu nọ akpọ na, Ọtiọye idjerhe Mẹ kpanu nọ idjerhe wẹn rẹ iroro Mẹ ji kpenu nọ iroro wẹn.

Aizaya 65:17

Kidie gbe nighe, Me ma idjuvwu ọkpokpọ vẹ akpọ ọkpokpọ, ekuakua rẹ awanre na a gbe karophihọ aye-en eyẹ iroro gbe ra-a.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 8:2

ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Iyẹnrẹ Esiri ri Luk 2:13

Siẹvuọvo na usun rẹ ihwo rẹ obo odjuvwu kugbe emakashe na ki jiri Ọghẹnẹ tanẹ

Iruo rẹ Iyinkọn na 4:24

Rẹ ayen vwo nyo nure, ayen de ku urhuru gbe ọvo kperi se Ọghẹnẹ nẹ, Ọrovwohwo Ovie, ọ rọ ma odjuvwu na kugbe akpọ na kugbe abadi na kugbe emu kemu ejobi re hẹ evun rẹ ayen,

Iruo rẹ Iyinkọn na 7:42

Ẹkẹvuọvo Ọghẹnẹ da yan jẹ ayen vwo o de fovwo ayen phihọ egagọ rẹ ekuakua re hẹ obo odjuvwu, kirobo re siro phihọ ọbe rẹ emraro na; ovwan hwe eranvwe vwọ gọ vwẹ kugbe izobo, ikpe ujuvẹ soso vwẹ evun rẹ aghwa, E uwevwi rẹ Izrẹl?

Urhi Rivẹ 17:3

ro de gbe odibo kẹ ẹdjọ rọ da ga ayen, ọnre eyẹ emeranvwe eyẹ emu efa rẹ obo odjuvwu, re Me djẹ ovwan na,

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

Hibru 4:3

Kidie avwanre ri segbuyota na che kpo omaerovwo yena, kirobo ro tare nẹ, Kirobo mi vwo ophu duvwu ayen iyori na, o rhe je ayen te omaerovwo mẹ-ẹ, dede na ye ru iruo na ejobi gba nẹ ẹtuọhọ rẹ akpọ na rhe.