Jẹnẹsis 18:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ da reyọ evwri, kugbe ameivie vwo chere upene rẹ erhuẹn na, o de muo kẹ ayen, o de mudia kẹrẹ ayen vwẹ otọ rẹ urhe na je ayen ra ria.

Jẹnẹsis 18:8 ပူးပေါင်းရင်းမြစ်များ

Jẹnẹsis 18:7

Ebraham da ghwa djẹ kpo obo uchuru rọye, o de mu upene rẹ erhuẹn, sọkọ sọkọ yoyovwi, ọ da vwọ kẹ odibo rọye, nọ ra rhuẹrẹ phẹrẹkpẹ.

Jẹnẹsis 18:9

Ayen da nọ nẹ, Tivọ Sera rẹ aye wẹn epha? Ọ da tanẹ, Ọ obo utughẹ.

Jẹnẹsis 19:3

Ẹkẹvuọvo ọda rẹ ayen gangan; kọye ayen da vwẹriẹ bro kpo uwevwi rọye, o de chere emu kẹ ayen, ọ da kaka ikara ro jephuo, ayen da re.

Nehemaya 12:44

Vwẹ ẹdẹ yena a da vwe ihwo mu phihọ ivun ra da sẹro re ekuakua, arhọghọ, emamọ rẹ ẹsosuọ, kugbe ẹkẹnhwe, re toro ayen utute kirobo re urhi guọnọre fiki re irherẹn na ve ihwo ri Livae kirobo re udju re irho na epha; kidie Juda ghọghọre vwẹ oma re irherẹn na ve ihwo ri Livae ri gbẹ odibo na.

Aizaya 7:15

O cha re ameive ro djeri kugbe onyọn vwẹ ọke rọ da riẹn obo ra sian ọbrabra ra jẹn ọresiri.

Aizaya 7:22

fiki rẹ ameivie buebu ro che hwẹ kẹ, kọ re ameivie ri djeri; kohwo kohwo ro chekọ otọ na kọ re ameivie ro djeri kugbe ọnyọn.

Iyẹnrẹ Esiri ri Luk 12:37

Ebruba kẹ idibo yena rẹ ọke rẹ onini na da rhe rọ da vwa ayen re rhẹrẹ; uyota, me ta kẹ ovwan, kọ chobiẹ amwa rọye kọ vwẹ ayen tidia udoemu, ko mu emu kẹ ayen re.

Iyẹnrẹ Esiri ri Luk 17:8

Ọ dianẹ o ta kẹ, Chere emu rẹ ovwọnvwọn kẹ vwẹ, chobiẹ amwa wẹn wo mu emu kẹ vwẹ, bẹsiẹ me vwọ re nu me vwọ da nu; wo de ru nu wo ke re wọ ke da?

Iyẹnrẹ Esiri ri Luk 24:30

Ọke rọ vẹ ayen vwo tidia udoemu re, ọ da reyọ ikara ọ da nẹ ẹrhovwo phihọ, o de bro, ọ da vwọ kẹ ayen.

Iyẹnrẹ Esiri ri Luk 24:43

Ọ da reyọ ọ da riọ vwẹ irharo rẹ ayen.

Iyẹnrẹ Esiri ri Jọn 12:2

Etiyin ayen de chere emu kẹ vwẹ ovwọnvwọn yena; Mata kọye chere emu na, ẹkẹvuọvo Lazarọs kẹ ọvo rọ vẹ ayen gbe tidia vwẹ imẹjẹ na.

Iruo rẹ Iyinkọn na 10:41

ọ dianẹ kẹ ihwo na ejobi-i ẹkẹvuọvo vwọ kẹ avwanre ọvo rẹ Ọghẹnẹ jẹreyọ ne dia iseri, ihwo re vẹ ọye gba re re vẹ ọye gba da vwẹ ọke ro vwo vrẹn nẹ ughwu nu.

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

Urhi Rivẹ 32:14

Ameivie orhierhi rẹ ẹvwe, kugbe ameivie ro nẹ igegede rhe kugbe ivwri rẹ emọ rẹ igegede vẹ egbo, uchuru ri Bashan kugbe ẹvwe kugbe eka ri Me yovwi ejobi vwẹ evun rẹ ọbara ri otie wọ da da wain

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.

Iguẹdjọ 13:15

Manoa da ta kẹ amakashe rẹ Ọrovwohwo na nẹ, Biko, jẹ avwanre da wẹ ji, rere avwanre reyọ ẹmẹvwe vwo ru emu kẹ wẹ.

Iguẹdjọ 5:25

Ọ da nọ ekpẹn rẹ ame ọ da vwẹ ameivie vwọ kẹ, o de mu udjọkpọ rẹ ivwri vwọ kẹ.