Jẹnẹsis 18:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ re Me ra guọnọ eme emu rhe ru we vwo te unu, re wa ke wanvrẹn kidie ọ guakẹ ovwan ghwa vwẹriẹ asan rẹ odibo wẹn nure. Kọye ayen da ta kẹ nẹ, Gbe ru kiri obo rẹ wo tare na.

Jẹnẹsis 18:5 ပူးပေါင်းရင်းမြစ်များ

Jẹnẹsis 18:6

Ebraham de bru Sera kpata kpata kpo obo utughẹ, ọ da ta, Chere emu kpata kpata kẹ ihwo erha, omamọ rẹ emu, gbe, re wọ kaka ikara.

Jẹnẹsis 19:8

Nighe, mi vwo emetẹ ivẹ re je riẹn ọshare-e, ju vwe vwẹ ayen kẹ ovwan, ru we ru ayen obo ri je ovwan, ẹkẹvuọvo wa vwẹ obọ te erhorha mẹ na-a, kidie uwevwi mẹ ayen rhi wo.

Jẹnẹsis 33:10

Jekọp da ta, Ẹjo, Me rẹ wẹ, ọ da dianẹ ivun mẹ vwerhe owẹ, gba reyọ ọghọ na mie vwe, vwẹ uyota a da mrẹ opharo wẹn, kọ họhọ ohwo rọ mrẹ opharo rẹ Ọghẹnẹ, gba vwẹ ẹguọnọ ro jẹrhẹriẹ tiọye na reyọ ovwẹ.

1 Ivie 17:11

Rọ cha vwọ yanran ra jẹ rhe, o de se o da ta, Bru umusi vwọ ba rhe.

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Matiu 6:11

Emu ri kẹdẹ kẹdẹ vwẹ ọ ri nonẹ kẹ avwanre.

Iguẹdjọ 13:15

Manoa da ta kẹ amakashe rẹ Ọrovwohwo na nẹ, Biko, jẹ avwanre da wẹ ji, rere avwanre reyọ ẹmẹvwe vwo ru emu kẹ wẹ.

Iguẹdjọ 13:16

Amakashe rẹ Ọrovwohwo na da ta kẹ Manoa nẹ, Ovwan da da vwẹ ji, Me cha re vwẹ emu rẹ ovwan na-a; ẹkẹvuọvo ovwan da choma rẹ izobo ra torhẹre nure, ovwan gba reyọ vwo ze kẹ Ọrovwohwo. (Fikiridie Manoa riẹnre nẹ amakashe rẹ Ọrovwohwo o ruẹ-ẹ)

Iguẹdjọ 19:5

Vwẹ ẹdẹ rẹne vwi irhiọke ride ayen vwọ rhọvwọ nu, ọ da choma rere ọ yanran kpo; ẹkẹvuọvo ọsẹ rẹ ọmọtẹ na da ta kẹ ọgọ rọye nẹ, Vwẹ emu te evun rere udu wẹn ga, rere wo ki kpu

Iguẹdjọ 6:18

Wo vrẹn nẹ etinẹ-ẹ, Me rẹ wẹ, bẹsiẹ mi vwo rhivwi bru we rhe, rere mi ru we ẹse, rere mi muo phihọ obaro wẹn. Ọ da tanẹ, Me hẹrhẹ bẹsiẹ wo vwo rhivwi rhe.

Iguẹdjọ 6:19

Etiyin Gidiọn da yanran kpo uwevwi rọye, ọ da vwẹ ọmọ rẹ ẹvwe vwọ chere emu, ọ da reyọ iputusẹ rẹ ọka ra nọre vwo ru ikara ro jephuo, ọ da ghwẹ ivwo rẹ eranvwe na phihọ evun rẹ obere, o de ku oghwo rẹ eranvwe na phihọ evun rẹ ẹvwẹrẹ, o de mu ayen phihọ obotọ rẹ ọhahe na vwẹ obaro rọye