Jẹnẹsis 18:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọrovwohwo da vwẹ oma phia kẹ vwẹ oma rẹ ọhahe ri Mamre, ro vwo tidia anurhoro rẹ utughẹ rọye vwẹ oghẹruvo na.

Jẹnẹsis 18:1 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

Jẹnẹsis 14:13

Kọye ọvo vwẹ usun rẹ ayen re djẹ vabọ da rhe, re vuẹ Ebram ri Hibru na, rọ dia kẹrẹ ọhahe ri Mamre rẹ ohwo ri Amọr, oniọvo rẹ Eskol kugbe Aner, enana vẹ Ebraham kẹ obọ.

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Jẹnẹsis 17:22

Ọke rẹ Ọghẹnẹ vẹ ọye vwọ ta ota ejobi nu, Ọghẹnẹ da yanran kpenu jẹ Ebraham vwo.

Jẹnẹsis 18:22

Etiyin ihwo na de ku oma rhẹriẹ nẹ Etiyin, ayen da garo vi Sodọm; ẹkẹvuọvo Ebraham ji mudia vwẹ obaro rẹ Ọrovwohwo.

Jẹnẹsis 20:1

Nẹ Etiyin Ebraham de mu oyan ọ da garo ni ẹbẹre ri Nẹgẹb, ọ da ra dia uvwre ri Kadẹsh vi Shur, ubrakpọ ri Gẹra kọye o de di muẹ yan.

Jẹnẹsis 26:2

Orvwohwo da vwẹ oma phia kẹ, ọ da ta, Wo kpo Ijipti-i; dia otọ re Me ta kẹ wẹ na.

Jẹnẹsis 35:27

Jekọp de rhi te otọ rẹ ọsẹ rọye Aizik vwi Mamre, eyẹ Kiriataba (kọye Hebrọn), asan rẹ Ebraham vẹ Aizik diare jovwo.

Jẹnẹsis 48:3

Jekọp da ta ki Josẹf, Ọghẹnẹ ro vwo Ẹgba vwẹ oma phia kẹ vwẹ vwi Luz vwẹ otọ ri Kenan o da nẹ ẹrhovwo kẹ vwẹ,

2 Ikun rẹ Ivie 1:7

Vwẹ ason yena Ọrovwohwo da vwẹ oma phia kẹ Solomọn, ọ da ta kẹ, Nọ ọbo mi ru kẹ wẹ.

Ẹyano 4:1

Etiyin Mosis da kpahe, “Ayen che se vwe gbuyotaa eyẹ ayen cha kerhọ rẹ urhuru mẹẹ, kidie ayen cha ta nẹ, ‘Ọrovwohwo vwẹ oma phia kẹ wẹẹ.”’

Iruo rẹ Iyinkọn na 7:2

Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran,

Hibru 11:9

Vwẹ esegbuyota ọye o vwo ghoro vwẹ otọ rẹ ive na, vwẹ otọ ọrhorha, yọ dia itughẹ ọ vẹ Aizik kugbe Jekọp, re vẹ ọye gbe koko reuku rẹ ive na.

Hibru 13:2

E jẹn erhorha ẹghọ chọrọ ovwan ẹro-o, kidie ọtiọye na evo vwọ vwẹ emakashe roro erhorha ghẹre.

Joshua 5:13

Ọke ri Joshua vwọ orhoma ri Jeriko, ọ da kpare opharo rọye vwo ni, nighere, ohwo ọvo mudia vwẹ obaro rọye vẹ ọlọkọ vwẹ obọ rọye; Joshua da yan bro ra ọ da ta kẹ nẹ, Wọ vẹ avwanre obọ vwo, gbenẹ wẹ ọvweghre rẹ avwanre?