Jẹnẹsis 17:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Jẹnẹsis 17:7 ပူးပေါင်းရင်းမြစ်များ

Jẹnẹsis 15:18

Vwẹ ẹdẹ yena Ọrovwohwo vẹ Ebram da re ọphọ tanẹ, Uvwiẹ wẹn Me vwẹ otọ nana kẹ, nẹ urhie rẹ Ijipt re te urhie rode na, urhie ri Yufretis.

Jẹnẹsis 17:13

Te ọ re vwiẹri vwẹ uwevwi wẹn kugbe ọ ra vwẹ igho dẹ, ka yanvwọ. Kọye ọphọ mẹ na kọ dia oma wẹn dia ọphọ re rara.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 6:18

Ẹkẹvuọvo ke Me vẹ owẹ re ọphọ; ko wọ cha ro evun rẹ okọ na, te owẹ te emọ wẹn, aye wẹn te eya rẹ emọ wẹn.

Jẹnẹsis 9:16

Ọke rẹ aphoro na da obenu, ki mi no ke Me karohọ ọphọ ri bẹdẹ rọ uvwre rẹ Ọghẹnẹ kugbe eranvwe keranvwe ekpokpọ rọ herọ re Me mare vwẹ akpọ na.

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

1 Ikun rẹ Ivie 16:13

Uvwiẹ rẹ Abraham odibo rọye, emọ ri Jekọp, rọ jẹreyọ!

1 Ikun rẹ Ivie 16:14

Ọye Ọrovwohwo Ọghẹnẹ rẹ avwanre; orhiẹbro rọye hẹ evun rẹ akpọ na ejobi.

Une rẹ Ejiro 81:10

Mẹvwẹ Ọrovwohwo rẹ Ọghẹnẹ wẹn, rọ reyọ owẹ nẹ otọ rẹ Ijipt rhe. Rhie unu wẹn te ẹtan, ke me sa vọn.

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Ẹyano 6:4

Me vẹ ayen da re ọphọ, nẹ me vwẹ otọ rẹ Kenan na kẹ ayen, otọ rẹ ayen da dia erhorha na.

Ẹyano 6:7

Me rọye owẹ phiyọ ihwo mẹ, ke me dia Ọghẹnẹ wẹn; ku wọ je riẹn nẹ Mẹvwẹ Ọrovwohwo Ọghẹnẹ wẹn, rọ si we nẹ otọ rẹ ọviẹn rẹ ihwo rẹ Ijipti.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Jerimaya 31:1

Vwẹ ọke yena, eriyin Ọrovwohwo tare, ke me cha dia Ọghẹnẹ rẹ uvwiẹ rẹ Izrẹl ejobi, ayen ke cha dia ihwo mẹ.

Izikiẹl 28:26

Ayen ke cha dia dẹn vwẹ evun rọye, ayen ke cha bọn iwevwi ke kọn ogba ri vain. Ayen ke dia dẹn, vwẹ ọke ri mi de che gu ẹdjọ rẹ ihwo re dia kẹrẹ ayen re vwẹ ayen jehwẹ. Etiyin kẹ ayen riẹn nẹ mẹvwẹ Ọrovwohwo Ọghẹnẹ rayen.

Livitikọs 11:45

Kidie Mẹvwẹ Ọrovwohwo rọ reyọ ovwan nẹ otọ rẹ Ijipt rhe, rọ dia Ọghẹnẹ rẹ ovwan; vwẹ ọtiọye na ovwan ke dia fuanfon kidie Me pha fuanfon.

Livitikọs 25:38

Mẹvwẹ Ọrovwohwo Ọghẹnẹ re ovwan, rọ reyọ ovwan vwo nẹ otọ re Ijipt rhe re Me vwẹ otọ ri Kenan kẹ ovwan, re Me rha je dia Ọghẹnẹ rẹ ovwan.

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Livitikọs 26:44

Rọ vwọ dia ọtiọye dede na, re ayen cha vwọ dia orho re ihwo efa na, mi che si ẹro ne aye-en, mi ji che tue oma rẹ ayen re te obo ri mi vwo bru ayen kufia kakare-e ri mi de miovwo ọphọ re Me vẹ ayen rere-e, kidie Mẹvwẹ Ọrovwohwo Ọghẹnẹ rayen;

Livitikọs 26:45

ẹkẹvuọvo Me cha vwi fiki rẹ ayen karophihọ ọphọ re Me vẹ esẹ rayen rere, ihwo re Me reyọ nẹ otọ re Ijipt rhe vwẹ irharo rẹ ihwo re irere efa na ejobi, rere Me vwọ dia Ọghẹnẹ rayen. Mẹvwẹ Ọrovwohwo na.

Livitikọs 26:9

Ki mi ni ovwan ẹro, ki mi ru ovwan bu ku we vwiẹ buebu, mi che ru ọphọ mẹ na gan vwọ kẹ ovwan.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Matiu 22:32

Mẹvwẹ Ọghẹnẹ rẹ Ebraham, Ọghẹnẹ rẹ Aizik, kugbe Ọghẹnẹ ri Jekọp. Ọghẹnẹ dia Ọghẹnẹ rẹ otu ri ghwuru-u, ẹkẹvuọvo ọ rẹ ihwo ekpokpọ.

Iyẹnrẹ Esiri ri Mak 10:14

Ẹkẹvuọvo ri Jesu vwọ mrẹ, ivun de miovwo gangan, Ọ da ta kẹ ayen, Ovwan jẹ imitete na bru uvwe rhe, ovwan da ayen jẹ-ẹ; kidie oghẹre nana hẹ uvie rẹ Ọghẹnẹ.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Urhi Rivẹ 29:13

rere ọ vwẹ ovwan mu ihwo rọye nonẹ na, rere ọ je vwọ dia Ọghẹnẹ kẹ ovwan, kirobo ro veri kẹ ovwan, ro ji ve kẹ esẹ rẹ ovwan, kẹ Ebraham, kẹ Aizik, je kẹ Jekọp.

Hibru 11:16

Ẹkẹvuọvo kirobo rọ epha na, ayen guọnọ ọrho ro me yovwi, kọye hẹ, orere rẹ obo odjivwu. Vwẹ ọtiọye na Ọghẹnẹ gbe vuoma re de se Ọghẹnẹ rẹ aye-en, kidie ọ rhuẹrẹ orere phihọ kẹ ayen nure.

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Iguẹdjọ 2:1

Asakiephana amakashe rẹ Ọrovwohwo da yanran nẹ Gilgal kpo obi Bokim. Ọ da tanẹ, Me reyọ ovwan nẹ Ijipt rhe, mi de phi ovwan phihọ evun rẹ otọ ri Mi ve phihọ kẹ esẹ rẹ ovwan. Me da tanẹ, Me gbe sa guọghọ ọphọ rẹ Me vẹ ovwan rere na-a,