Jẹnẹsis 17:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Mi ru we vwọ dia ọgbọmiọvwọ, ẹgborho ride ki nẹ agada wẹn rhe, ivie ki nẹ oma wẹn rhe.

Jẹnẹsis 17:6 ပူးပေါင်းရင်းမြစ်များ

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 17:16

Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 17:4

Nighe, ọphọ mẹ vẹ owẹ herọ, ku wọ cha dia ọsẹ rẹ ẹgborho buebu.

Jẹnẹsis 26:22

O de vrẹn nẹ Etiyin ọ da ra tọn orhare ọfa, ayen gbe ghwọ vwẹ ọyena-a, Etiyin o de se odẹ rọye Rehobọth, tanẹ, Fikiridie Ọrovwohwo kẹ avwanre asan dia, otọ na ko yovwi kẹ avwanre.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 41:52

Odẹ rẹ ọrivẹ o de se Ifrem, Kidie Ọghẹnẹ ru vwe phihọ ọmiọvwọ vwẹ otọ rẹ ukpokpogho mẹ.

Jẹnẹsis 47:27

Kẹ enẹ Izrẹl rhe vwọ dia otọ rẹ Ijipt, vwẹ otọ ri Goshẹn, ayen de vwo ẹkẹn vwẹ evun rọye, ayen de vwiẹ buebu gangan.

Jẹnẹsis 48:3

Jekọp da ta ki Josẹf, Ọghẹnẹ ro vwo Ẹgba vwẹ oma phia kẹ vwẹ vwi Luz vwẹ otọ ri Kenan o da nẹ ẹrhovwo kẹ vwẹ,

Jẹnẹsis 48:4

ọ da ta kẹ vwẹ, Nighe, mi ru we ogbaọmiovwọ, ki mi ru we bu, ki mi ru we urogho rẹ ihwo, ke Me vwẹ otọ na kẹ uvwiẹ wẹn rọ cha vwẹ obuko wẹ re ọ dia ẹkẹn rayen bẹdẹ.

Ezra 4:20

Nẹ ivie re dia egba buebu je dia Jerusalẹm re, ri ji sun ubrakpọ ejobi vwẹ Obovrẹn rẹ Urhie na, ra je hwa osa rẹ uyovwi, osa rẹ otọ, kugbe arhọghọ kẹ re.

Livitikọs 26:9

Ki mi ni ovwan ẹro, ki mi ru ovwan bu ku we vwiẹ buebu, mi che ru ọphọ mẹ na gan vwọ kẹ ovwan.