Jẹnẹsis 17:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ebram de she bọvwọ opharo rhuotọ, Ọghẹnẹ da ta kẹ,

Jẹnẹsis 17:3 ပူးပေါင်းရင်းမြစ်များ

Jẹnẹsis 17:17

Etiyin Ebraham de gbe opharo otọ ọ da hwẹ, ọ da ta kẹ oma rọye, Kẹ ohwo rọ ghwo te ikpe ujori nure na se vwiẹ ọmọ? Ki Sera rẹ ikpe ujọne gbe ihwe na ji se vwiẹ ọmọ rhe?

Jẹnẹsis 18:2

Ọ vwọ kparo ni, nighe eshare erha mudia vwẹ obaro rọye. Ọke rọ vwọ mrẹ ayen, ọ da djẹ nẹ anurhoro rẹ utughẹ na ra vwa ayen, o de diguẹ kẹ ayen,

1 Ivie 18:39

Ọke rẹ ihwo na ejobi vwọ mrẹ, ayen de she bọvwọ epharo rayen rhuotọ; ayen da ta, Ọrovwohwo na, ọye Ọghẹnẹ Ọrovwohwo na, ọye Ọghẹnẹ.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Izikiẹl 1:28

Kere uhoho rẹ aphoro vwẹ irharheghe vwẹ ẹdẹ rẹ osio, ọtiọye elo rẹ uhoho na epha riariẹ. Ọtiọye ekroma na họhọ urinrin rẹ Ọrovwohwo na. Ọke me vwọ mrẹ, mi de she bọvwọn opharo rhuotọ, mi de nyo urhuru rẹ ohwo ọvo rọ ta ota.

Izikiẹl 3:23

Etiyin mi de vrẹn me da yanran kpo obo uphephe na, mi vwo ni, urinrin rẹ Ọrovwohwo de mudia vwẹ etiyin, kerẹ urinrin re me ka mrẹ vwẹ oma rẹ urhie ri Kiba na, mi de she bọvwọn opharo mẹ rhuotọ.

Izikiẹl 9:8

Ọke rẹ ayen vwọ guọghọ re, ye mẹvwẹ ọvo tidia sogono, mi de she bọvwọn opharo me rhuotọ, mi de kperi, E Ọrovwohwo Ọghẹnẹ! Ku wọ vwẹ ophu ọvuọvo na guọghọ umuku ro chekọ vwẹ Izrẹl na vẹ ighworighwo rẹ ophu wẹn rọ guọghọ Jerusalẹm?

Daniẹl 10:9

Etiyin mi de nyo umri rẹ ota rọye, ri mi vwọ nyo umri rẹ ota rọye re, mi de she bọvwo opharo rhuotọ mi de sheruo ovwerhẹ kokodo.

Ukeri 14:5

Etiyin Mosis vẹ Erọn de she bọvwẹ opharo rhuotọ vwẹ obaro rẹ ọghwẹgbe rẹ ihwo rẹ Izrẹl na ejobi.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 16:45

Vrẹn nẹ uherevie rẹ ihwo rẹ ukoko nana, rere me ghwọrọ ayen phẹrẹkpẹ. Etiyin ayen de she bọvwọn epharo rayen rhuotọ.

Matiu 17:6

Rẹ idibo na vwo nyo, ayen de she bọnvwọn opharo rhuotọ, oshọ de mu ayen.

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Iguẹdjọ 13:20

Ọke rẹ erhanre rẹ agbada na vwọ la kpenu, etiyin amakashe rẹ Ọrovwohwo na de nene erhanre rẹ agbada na kpo odjuvwu yi Manoa vẹ aye rọye re no, etiyin ayen de she bọvwọ epharo rhuotọ.